ലോക സൗഹൃദദിനത്തിലെ പിറന്നാളാഘോഷം വേറിട്ടതാക്കി ഗൗരിക്കുട്ടി.

തന്നോടൊപ്പം ആദ്യാക്ഷരം കുറിച്ച  അംഗനവാടിയിലെ കൂട്ടുകാരായ ദേവനാഥ്, ആരോൺ, മദീഹ, കെവിയ, മെഹനൂർ, കെസിയ അന്നത്തെ അധ്യാപകരായ സുഷമ ടീച്ചർ, ശാന്തമ്മ എന്നിവരോടൊപ്പം ആണ് മധുരം പങ്കുവെച്ച് സൗഹൃദം പുതുക്കിയത്.

കൂട്ടുകാർക്കും അധ്യാപകർക്കും ഇത് വേറിട്ട അനുഭവമായി.

കേക്ക് മുറിച്ചും മധുരം കൈമാറിയും മാത്രമല്ല ആഘോഷം നടന്നത്.

ഈ സൗഹൃദത്തിന്റെ കൂടിച്ചേരലിന്റെ ഓർമ്മയ്ക്കായി ഓരോരുത്തർക്കും ഓരോ ഫലവൃക്ഷം കൂടി ഗൗരിക്കുട്ടി നൽകുകയായിരുന്നു.

ഗൗരിത്തം പുസ്തകം സമ്മാനമായി ഇവർക്ക് നൽകുകയും ചെയ്തു.

ഈ പിറന്നാൾ ദിനത്തിൽ മറ്റൊരു വിശേഷം കൂടിയുണ്ട്. ജനകീയ കലയായ കഥാപ്രസംഗരംഗത്തും ഗൗരിക്കുട്ടി ചുവടുറപ്പിക്കുകയാണ്. പ്രശസ്ത കലാകാരനായ കെ പി എ സി ലീലാകൃഷ്ണന്റെ ശിക്ഷണത്തിലാണ് പരിശീലനം ആരംഭിക്കുന്നത്.

 കഴിഞ്ഞവർഷം "ഗൗരിത്തം " എന്ന തന്റെ ആദ്യ പുസ്തകത്തിലൂടെ ശ്രദ്ധേയയായ ഗൗരിക്കുട്ടി കഴിഞ്ഞകാല പിറന്നാളുകളൊക്കെ വേറിട്ട തരത്തിലായിരുന്നു ആഘോഷിച്ചത്.

സമൂഹത്തിൽ വേദന അനുഭവിക്കുന്നവരോടും സഹജീവികളോട് ഒപ്പമായിരുന്നു മിക്ക പിറന്നാൾ ആഘോഷങ്ങളും. 

കഴിഞ്ഞവർഷം വയനാട് ഉരുൾപൊട്ടലിൽ വേദന അനുഭവിച്ചവർക്ക് തന്റെ സമ്പാദ്യപ്പെട്ടിയിലെ തുക ജില്ലാ കളക്ടർക്ക് കൈമാറിയിരുന്നു.

എപിജെ അബ്ദുൽ കലാം ബാലപ്രതിഭ പുരസ്കാരം, ഭാരത് സേവക് സമാജ് പുരസ്കാരം, ജെസിഐ ഇന്ത്യയുടെ യങ് ടാലന്റ് അവാർഡ് തുടങ്ങി നിരവധി പുരസ്കാരങ്ങൾ ലഭിച്ചിട്ടുണ്ട്. വിദ്യാർത്ഥിയായ ഭവിൻ സുഗതൻ സഹോദരനാണ്.

https://www.youtube.com/watch?v=LuTxzLEJkfI