നേരേ വിടർന്നു വിലസീടിന നിന്നെ നോക്കി ആരാകിലെന്ത് മിഴിയുള്ളവർ നിന്നിരിക്കാം : ദിവാകരൻ ചോമ്പാല

പ്രകൃതിസ്നേഹിയായ നാട്ടുകാരിൽ ആരോ ചിലർ എവിടെനിന്നോ വേരോടെ പിഴുതെടുത്ത താമര തണ്ടുകൾ ഇവിടെ ഈ പാടങ്ങളിലെ ചെളിയിൽ പണ്ടെപ്പോഴോ നട്ടിരുന്നു എന്നത് പഴയ കഥ .

ഇന്ന് ഇതൊരു വിസ്മയക്കാഴ്ചയായി മാറിയിരിക്കുന്നു .

പ്രദീപ് എന്നാണ് ആ നല്ല മനുഷ്യൻറെ പേരെന്ന് ചിലർ അഭിമാനപൂർവ്വം പറയുകയുണ്ടായി .

ഏതോ ഒരു സ്വകാര്യവ്യക്തിയുടെ പാടത്ത് താമര കിഴങ്ങുകൾ നടുവാൻ

മനസ്സ് കാണിച്ച പ്രദീപിനെ ഇന്ന് മനസ്സുകൊണ്ട് അഭി നന്ദിക്കാത്ത നാട്ടുകാരില്ല .

അത്രയേറെ താമരപ്പൂക്കളാണ് ഇവിടെ ദിവസേന വിരിഞ്ഞു പൂത്തുലഞ്ഞു നിൽക്കുന്നത് .

നാട്ടിലുംവീട്ടിലും അയലത്തുമുള്ള കുണ്ടുകുളങ്ങളിലും ഉപയോഗശൂന്യ വും അനാഥവുമായ നിലയിലുള്ള വെള്ളം കെട്ടി നിൽക്കുന്ന ഇടങ്ങളിലെല്ലാം സൗന്ദര്യ വൽക്കരിക്കാൻ ആഗ്രഹിക്കുന്നവർക്ക് അനുകൂലമായ സമയമാണിപ്പോൾ.

മഴ വരുന്നതിനുമുമ്പ് താമരക്കിഴങ്ങ് നടീൽ വസ്തുവായി ശേഖരിക്കാൻ പറ്റിയ നല്ല സമയം .

നിരനിരയായി താമര പൂക്കൾ വിടർന്നു നിൽക്കുന്ന ഈ നാട്ടുകാഴ്ച മൊബൈൽ ഫോണിൽ പകർത്താനും സെൽഫി എടുക്കാനും ആളുകൾ സമയം കണ്ടെത്തുന്ന ഈ മനോഹരതീരം നമുക്കോരോരുത്തർക്കും നമ്മുടെ നാട്ടിൻപുറങ്ങളിലെ തോടുകളിലും മറ്റും ഉണ്ടാക്കാവുന്നതേയുള്ളൂ .

ക്ഷേത്രങ്ങളിൽ പൂജക്കായി ഇവിടെനിന്നും താമരപ്പൂക്കൾ ശേഖരിക്കുന്നതും ഇവിടുത്തെ പതിവുകാഴ്ച.

 വന്നുപോകുന്ന സന്ദർശകരിൽ പലരും നടീൽ വസ്തുവായി താമരത്തണ്ട് സ്വീകരിച്ചുകൊണ്ടാണ് തിരിച്ചു പോകുന്നത് .

താമരപാടത്ത് പാമ്പുകളുടെ സാന്നിധ്യം തള്ളിക്കളയാവുന്നതല്ല ശ്രദ്ധവേണം എന്ന നാട്ടുകാരുടെ ഉപദേശവും നമുക്ക് തള്ളിക്കളഞ്ഞുകൂട.

ചിത്രം :പ്രതീകാത്മകം