സ്കൂ‌ളിൽ ഹലോ പറയാൻ എ.ഐ. റിസപ്ഷനിസ്റ്റ്

മതിലകം മതിലകം സെയ്ൻ്റ് ജോസഫ്‌സ് സ്‌കൂളിൽ വരുന്നവരെ സ്വീകരിക്കാൻ ഇനി കുട്ടികൾ നിർമിച്ച എ.ഐ റിസപ്ഷനിസ്റ്റ്. മികച്ച പി.ടി.എ. യ്ക്കുള്ള സ്റ്റേറ്റ് പി.ടി.എ അവാർഡിൻ്റെ സ്‌മാരകമായി പി.ടി.എ. യുടെ സാമ്പത്തിക സഹകരണത്തോടെയാണ് കുട്ടികൾ എ.ഐ. റിസപ്ഷനിസ്റ്റ് നിർമിച്ചത്. സ്കൂളുമായി ബന്ധപ്പെട്ട ഏതു വിവരങ്ങളും രക്ഷിതാക്കൾക്ക് ഇനി പരസഹായം കൂടാതെ റിസപ്ഷനിസ്റ്റിൽനിന്ന് അറിയാൻ കഴിയും.

ഇ.ടി. ടൈസൺ എം.എൽ.എ. എ.ഐ. റിസപ്ഷനിസ്റ്റിനെ സ്‌കൂളിന് സമർപ്പിച്ചു. പി.ടി.എ പ്രസിഡന്റ് സി.എം. ജുഗ്‌നു അധ്യക്ഷനായി. മതിലകം ഗ്രാമപ്പഞ്ചായത്ത് പ്രസിഡന്റ് സീനത്ത് ബഷീർ, മാനേജർ ഫാ. ഷൈജൻ കളത്തിൽ, പ്രധാനാധ്യാപകൻ വി.കെ. മുജീബ് റഹ്‌മാൻ, റഹിയാനത്ത് അൻസാരി, ജോജി ജോസഫ്, എം.കെ. സൈഫുദ്ദീൻ, ധനേഷ് കാവാലം തുടങ്ങിയവർ പ്രസംഗിച്ചു.