മൂല്യാധിഷ്‌ഠിത നിർമിതബുദ്ധി കാലത്തിൻ്റെ അനിവാര്യത-മാർ തോമസ് തറയിൽ

ചങ്ങനാശ്ശേരി മൂല്യാധിഷ്ഠിത നിർമിതബുദ്ധി കാലത്തിൻ്റെ അനിവാര്യതയെന്ന് ആർച്ച് ബിഷപ്പ് തോമസ് തറയിൽ. എസ്.ബി. കോളേജിൽ കംപ്യൂട്ടർ സയൻസ് വിഭാഗം നടത്തുന്ന കാർലോ അക്വിറ്റസ് ടെക് കോൺക്ലേവ് ഉദ്ഘാടനം ചെയ്യുകയായിരുന്നു അദ്ദേഹം. നിർമിതബുദ്ധി മാനുഷികപ്രയത്നത്തെ ലഘുകരിക്കുമെന്നതിലൂടെ നേടുന്ന അധികസമയം അവനവനായി വിനിയോഗിക്കാനും നിർമിതബുദ്ധിയെ ധാർമികമായി ഉപയോഗിക്കാനും പിതാവ് ആഹ്വാനംചെയ്തു.

'നിർമിതബുദ്ധി വ്യക്തിപരവും സാമൂഹികവുമായ നന്മയ്ക്ക് 'എന്ന വിഷയത്തിൽ സൈബർ സെക്യൂരിറ്റി റിസർച്ചർ ഡോ. ജോസഫ് പോന്നോലി മുഖ്യപ്രഭാഷണം നടത്തി. പ്രിൻസിപ്പൽ ഫാ.റെജി പി.കുര്യൻ അധ്യക്ഷതവഹിച്ചു. വൈസ് പ്രിൻസിപ്പൽ റവ.ഡോ.റ്റെഡി കാഞ്ഞുപ്പറമ്പിൽ, വകുപ്പ് മേധാവി ഡോ.ആൻറണി മാത്യൂസ്, കൺവീനർമാരായ പ്രശോഭ് ജോൺ, ബ്ലെസ്സി പോൾ എന്നിവർ പ്രസംഗിച്ചു.