ഹീരാ കോളേജിൽ ടെക് ഫെസ്റ്റിനു തുടക്കമായി

നെടുമങ്ങാട്: ഹീരാ കോളേജ് ഓഫ് എൻജിനിയറിങ് ആൻഡ് ടെക്നോളജിയുടെ രണ്ടുദിവസം നീണ്ടുനിൽക്കുന്ന ടെക്ന‌ിക്കൽ ഫെസ്റ്റ് 'എൽനോറ 25' ഡി.കെ.മുരളി എം.എൽ.എ. ഉദ്ഘാടനം ചെയ്‌തു. വിവിധ സർക്കാർ, പൊതുമേഖലാസ്ഥാപനങ്ങൾ, കോളേജുകൾ, സ്‌കൂളുകൾ എന്നിവിടങ്ങളിൽനിന്നുള്ള സ്റ്റാളുകൾ ടെക്ഫെസ്റ്റിലുണ്ട്. ഹീരാ കോളേജിലെയും മറ്റ് കോളേജുകളിലെയും വിദ്യാർഥികൾ അവരുടെ പ്രേപ്രാജക്‌ടുകൾ ഫെസ്റ്റിവലിൽ പ്രദർശിപ്പിക്കുന്നു.

പനവൂർ പഞ്ചായത്ത് പ്രസിഡൻ്റ് എസ്.മിനി, കോളേജ് വൈസ് ചെയർമാൻ റെസ്വിൻ റഷീദ്, വൈസ് പ്രിൻസിപ്പൽ സുജിത് എസ്., സോഷ്യൽ ഡയനാമിക് എ.ഐ.സി.ഇ.ഒ. സനോഫർ അബ്‌ദുൽ അസീസ്, ടെക് ഫെസ്റ്റ് കോഡിനേറ്റർ അഭിഷേക് അലക്സസ് എന്നിവർ സംസാരിച്ചു. ടെക് ഫെസ്റ്റിൽ പങ്കെടുക്കാനും കാണാനും നൂറുകണക്കിനു വിദ്യാർഥികൾ എത്തുന്നുണ്ട്. ഫെസ്റ്റ് ശനിയാഴ്ച സമാപിക്കും.