പ്രളയ് മിസൈൽ: ഡിആർഡിഒയുടെതുടർച്ചയായ രണ്ട് പരീക്ഷണങ്ങൾ വിജയകരം

 ഉയർന്ന കൃത്യത ഉറപ്പാക്കുന്ന അത്യാധുനിക ഗൈഡൻസും നാവിഗേഷനും ഉപയോഗിക്കുന്ന, തദ്ദേശീയമായി വികസിപ്പിച്ച ഖര ഇന്ധനം ഉപയോഗിക്കുന്ന ഒരു ക്വാസി-ബാലിസ്റ്റിക് മിസൈലാണ് പ്രളയ്. വിവിധതരം ലക്ഷ്യങ്ങൾക്കെതിരെ ഒന്നിലധികം തരം പോർമുനകൾ വഹിക്കാൻ ഈ മിസൈലിന് കഴിയും.

  റിസർച്ച് സെൻ്റർ ഇമാരത്ത് മുൻകൈയെടുത്ത്, ഡിഫൻസ് റിസർച്ച് & ഡെവലപ്‌മെൻ്റ് ലബോറട്ടറി, അഡ്വാൻസ്‌ഡ് സിസ്റ്റംസ് ലബോറട്ടറി, ആർമമെൻ്റ് റിസർച്ച് & ഡെവലപ്‌മെൻ്റ് എസ്റ്റാബ്ലിഷ്‌മെൻ്റ്, ഹൈ എനർജി മെറ്റീരിയൽസ് റിസർച്ച് ലബോറട്ടറി, ഡിഫൻസ് മെറ്റലർജിക്കൽ റിസർച്ച് ലബോറട്ടറി, ടെർമിനൽ ബാലിസ്റ്റിക്സ് റിസർച്ച് ലബോറട്ടറി, റിസർച്ച് & ഡെവലപ്‌മെൻ്റ് എസ്റ്റാബ്ലിഷ്‌മെൻ്റ് (എഞ്ചിനിയേഴ്‌സ്), ITR തുടങ്ങിയ DRDO ലാബുകളും, ഭാരത് ഡൈനാമിക്സ് ലിമിറ്റഡ്, ഭാരത് ഇലക്ട്രോണിക്സ് ലിമിറ്റഡ് തുടങ്ങിയ വ്യവസായ പങ്കാളികളും മറ്റ് നിരവധി എംഎസ്എംഇകളും സഹകരിച്ചാണ് ഈ സംവിധാനം വികസിപ്പിച്ചത്.

DRDO-യിലെ മുതിർന്ന ശാസ്ത്രജ്ഞർ, ഇന്ത്യൻ വ്യോമസേനയിൽ നിന്നും ഇന്ത്യൻ കരസേനയിൽ നിന്നുമുള്ള ഉപയോക്താക്കളുടെ പ്രതിനിധികൾ, വ്യവസായ പ്രതിനിധികൾ എന്നിവർ പരീക്ഷണ പറക്കലുകൾക്ക് സാക്ഷ്യം വഹിച്ചു.

വിജയകരമായ പരീക്ഷണ പറക്കലുകൾക്ക് പ്രതിരോധ മന്ത്രി ശ്രീ രാജ്‌നാഥ് സിംഗ് DRDO, സായുധ സേന, വ്യവസായം എന്നിവരെ അഭിനന്ദിച്ചു. "ആധുനിക സാങ്കേതികവിദ്യകളാൽ സജ്ജീകരിച്ചിരിക്കുന്ന ഈ മിസൈൽ, ഭീഷണികൾക്കെതിരെ സായുധ സേനയ്ക്ക് കൂടുതൽ സാങ്കേതിക മുന്നേറ്റം നൽകും," അദ്ദേഹം പറഞ്ഞു.

ഡിഫൻസ് ആർ & ഡി വകുപ്പ് സെക്രട്ടറിയും DRDO ചെയർമാനുമായ ഡോ. സമീർ വി കാമത്ത് ടീമുകളെ അഭിനന്ദിച്ചു. ഈ ഒന്നാം ഘട്ട പരീക്ഷണങ്ങൾ വിജയകരമായി പൂർത്തിയാക്കിയത്, സമീപഭാവിയിൽ ഈ സംവിധാനം സായുധ സേനയിൽ ഉൾപ്പെടുത്തുന്നതിന് വഴിയൊരുക്കുമെന്നും അദ്ദേഹം കൂട്ടിച്ചേർത്തു.  

ബിജു കാരക്കോണം