തൃക്കണ്ടിയൂർ മഹാശിവക്ഷേത്രത്തിൽ ഭാഗവതസപ്താഹം നാളെ സമാപിക്കും

തിരൂർ : തൃക്കണ്ടിയൂർ മഹാശിവക്ഷേത്രത്തിൽ ഭാഗവതസപ്താഹം വെള്ളിയാഴ്ച സമാപിക്കും. ഗുരുവായൂർ ക്ഷേത്രം മുൻ മേൽശാന്തി മൂർക്കന്നൂർ ശ്രീഹരി നമ്പൂതിരിയാണ് യജ്ഞാചാര്യൻ. മൂർക്കന്നൂർ പ്രസാദ് നമ്പൂതിരി, കലിയത്ത് പരമേശ്വരൻ നമ്പൂതിരി എന്നിവർ സഹയജ്ഞാചാര്യന്മാരാണ്.

സപ്താഹത്തോടനുബന്ധിച്ച് ബുധനാഴ്ച രുക്‌മിണീസ്വയംവരഘോഷയാത്ര നടത്തി. ആലമ്പറ്റ കൃഷ്ണൻകുട്ടി, വെളിയമ്പാട്ട് ശിവശങ്കരൻ നായർ, എടയത്ത് മോഹനൻ, പച്ചേത്ത് ശങ്കരൻ, എ.കെ. വിജയരാഘവൻ, വില്യാലത്ത് സുകുമാരൻ, സി. ഷൺമുഖൻ, ഹരിദാസൻ എന്നിവരും ശിവശക്തി മാതൃസമിതി പ്രവർത്തകരും പങ്കെടുത്തു. വ്യാഴാഴ്ച വൈകീട്ട് 6.30-ന് സർവൈശ്വര്യപൂജ നടക്കും. ശനിയാഴ്ച അഖണ്ഡനാമജപയജ്ഞവും അഖണ്ഡനാമ പുഷ്പാഞ്ജലിയും ഉണ്ടാകും.