കൊയിലാട് സി.എം. ഉറൂസ് സമാപിച്ചു

കൊടുവള്ളി: പുത്തൂർ കൊയിലാട് രിഫാഇയ്യ സെന്ററിൽ നടന്ന സി.എം. വലിയുള്ളാഹി ഉറൂസ് മുബാറക് വിവിധ ആത്മീയ ചടങ്ങുകളോടെ സമാപിച്ചു. ഹസ്രത്ത് അബൂബക്കർ ബാഖവി ഉദ്ഘാടനം ചെയ്ത ചടങ്ങിൽ രിഫാഇയ്യ ചെയർമാൻ കുഞ്ഞിസീതികോയ തങ്ങൾ അധ്യക്ഷത വഹിച്ചു. സി.കെ. മുഹമ്മദ് ബാഖവി മുഖ്യപ്രഭാഷണം നടത്തി.

​ഉറൂസിന്റെ ഭാഗമായി നടന്ന സി.എം. ദിഖ്റിന് കോയമോൻ ഹാജി കിനാശ്ശേരി, അബ്ദുൽ ഖാദർ കാക്കൂർ എന്നിവരും മൗലിദ് സദസ്സിന് റാഫി ഹിഖമി, ഹസ്സൻ മുസ്‌ല്യാർ, മുഹമ്മദ് സഖാഫി, ഷംസു സഖാഫി, ഷംസു ഹാജി ബത്തേരി എന്നിവരും നേതൃത്വം നൽകി. ചെറിയ മുഹമ്മദ് കായലിന്റെ നേതൃത്വത്തിൽ ദിഖ്ർ ഹൽഖയും ഇദ്രീസ് തങ്ങൾ, സി.കെ.കെ. തങ്ങൾ പറക്കുന്ന് തുടങ്ങിയവരുടെ നേതൃത്വത്തിൽ മുഹ്ളാർ റാത്തീബും നടന്നു. വൈകീട്ട് നടന്ന മുഹിയുദ്ധീൻ റാത്തീബിന് കൊയിലാട് കുഞ്ഞിസീതികോയ തങ്ങൾ, സകരിയ്യ അൽ ബുഖാരി തങ്ങൾ എന്നിവർ നേതൃത്വം നൽകി. സി.എം. അബൂബക്കർ സഖാഫിയുടെ സമാപന പ്രാർത്ഥനയോടെയാണ് ചടങ്ങുകൾ അവസാനിച്ചത്.