പിന്നാക്ക ജനവിഭാഗങ്ങൾ മുഖ്യധാരയിൽനിന്ന് പിന്തള്ളപ്പെടുന്നു-സ്വാമി സച്ചിദാനന്ദ

ചാലക്കുടി : അധഃസ്ഥിത പിന്നോക്ക ജനവിഭാഗങ്ങൾ മുഖ്യധാരയിൽനിന്ന് പിന്തള്ളപ്പെടുകയാണെന്ന് ശിവഗിരി ശ്രീനാരായണ ധർമസംഘം ട്രസ്റ്റ് പ്രസിഡൻ്റ് സ്വാമി സച്ചിദാനന്ദ പറഞ്ഞു. ഗുരു ധർമപ്രചാരണസഭ നടത്തിയ ഗുരു-ഗാന്ധി സമാഗമ ശതാബ്‌ദി വാർഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

നൂറു വർഷങ്ങൾക്ക് മുൻപ് ഗുരു - ഗാന്ധി സമാഗമത്തിൽ ചർച്ച ചെയ്തത് സാമൂഹിക നീതി സംബന്ധിച്ചാണ്. ഈ വിഷയം ഏതു രാഷ്ട്രീയ നേതൃത്വത്തോട് പങ്കുവെയ്ക്കാനും ചർച്ച ചെയ്യാനും ശിവഗിരി മഠത്തിന് മടിയില്ല. സാമൂഹിക നീതി കൈവരിക്കാൻ അധഃസ്ഥിത വിഭാഗത്തിൽപ്പെട്ടവരെ മുന്നോട്ട് നയിക്കണം. അതുവഴി ശ്രീനാരായണ ധർമം യാഥാർഥ്യമാക്കണം.

ഇതായിരുന്നു ഗുരുവും ഗാന്ധിയും സംവദിച്ചത്-സ്വാമി സച്ചിദാനന്ദ പറഞ്ഞു. ഗുരുധർമ പ്രചരണ സഭ ജില്ലാ പ്രസിഡന്റ് ടി.കെ. സന്തോഷ് അധ്യക്ഷനായി. നഗരസഭചെയർപേഴ്സൺ ആലീസ് ഷിബു,

എസ്.എൻ. ക്ലബ്ബ് പ്രസിഡൻ്റ് അഖിലേശ്വരൻ, സി.വി. സന്തോഷ്, ടി.സി. രാജൻ, എസ്.എൻ. ട്രസ്റ്റ് പ്രസിഡൻ്റ് കെ.കെ. ബാലൻ, ഗുരുധർമ പ്രചാരണ സഭ ജില്ലാ സെക്രട്ടറി ഗിരീഷ് ഉണ്ണികൃഷ്ണ‌ൻ, മണ്ഡലം പ്രസിഡൻ്റ എ.എ. ഹരിദാസ്, ടി.കെ. സുരേഷ് ബാബു എന്നിവർ പ്രസംഗിച്ചു.