വിമലഗിരി പദയാത്ര തുടങ്ങി

മൂന്നാർ: മേഖലയിലെ വിവിധ ദേവാലയങ്ങളുടെ നേതൃത്വത്തിൽ സംഘടിപ്പിക്കുന്ന വിമലഗിരി പദയാത്ര തുടങ്ങി. വിജയപുരം രൂപത കുത്തീഡ്രലിൽ നടക്കുന്ന ദൈവമാതാവിൻ്റെ തിരുനാളിനോട് അനുബന്ധിച്ചാണ് പദയാത്ര സംഘടിപ്പിക്കുന്നത്.

മൂന്നാർ മൗണ്ട് കാർമൽ ബസിലിക്കയിൽനിന്നാണ് പദയാത്ര തുടങ്ങിയത്.

ബസിലിക്ക റെക്‌ടർ ഫാ. മൈക്കിൾ വലയിഞ്ചിയിൽ പ്രാരംഭപ്രാർഥനയ്ക്ക് നേതൃത്വം നൽകി. ഫാ. ആൻ്റണി രാജ്, ഫാ. ആൻ്റണി സോജൻ എന്നിവരാണ് യാത്രയ്ക്ക് നേത്യത്വം നൽകുന്നത്. പദയാത്രയ്ക്ക് രൂപതയിലെ വിവിധ ദേവാലയങ്ങളിൽ സ്വീകരണം നൽകും.

എട്ടിന് വിമലഗിരി കത്തീഡ്രലിൽ പദയാത്ര സമാപിക്കും. വിവിധ മേഖലകളിൽനിന്നെത്തുന്ന പദയാത്രാ സംഘങ്ങളെ സ്വീകരിക്കുന്നതിനുള്ള ക്രമീകരണങ്ങൾ ഏർപ്പെടുത്തിയതായി വിജയപുരം രൂപതാ സഹയമെത്രാൻ ഡോ. ജസ്റ്റിൻ മടത്തിപ്പറമ്പിൽ, വികാരി ജനറാൾ മോൺ. സെബാസ്റ്റ്യൻ പൂവത്തിങ്കൽ എന്നിവർ അറിയിച്ചു.