ലിയോ പതിന്നാലാമന് സ്വാഗതമോതി ലോകം

മാർപാപ്പയായ കർദിനാൾ റോബർട്ട് (ഫ്രാൻസിസ് പ്രേവോയ്ക്ക് അനുമോദനം. ആദ്യ അമേരിക്കൻ പാപ്പയാണ് അദ്ദേഹമെന്നത് വലിയ ആദരമാണ് -ഡൊണാൾഡ് ട്രംപ്, യുഎസ് പ്രസിഡന്റ്

*ഇന്ത്യയിലെ ജനങ്ങളുടെ ആശംസയും അനുമോദനവും ലിയോ പതിന്നാലാമൻ മാർപാപ്പയെ അറിയിക്കുന്നു. സമാധാനം, സൗഹാർദം, ഐക്യം, സേവനം എന്നീ ആശയങ്ങൾക്ക് വലിയ പ്രധാന്യമുള്ളസമയത്താണ് അദ്ദേഹം കത്തോലിക്കാസഭയുടെ നേതൃത്വത്തിലെത്തുന്നത് -നരേന്ദ്ര മോദി, പ്രധാനമന്ത്രി

* റഷ്യയും വത്തിക്കാനും തമ്മിലുള്ള സൃഷ്‌ടിപരമായ സംവാദവും സഹകരണവും, ഞങ്ങളെ ഒരുമിപ്പിക്കുന്ന ക്രിസ്‌തീയമൂല്യങ്ങളുടെ അടിസ്ഥാനത്തിൽ തുടർന്നും വികസിക്കുമെന്ന് എനിക്ക് വിശ്വാസമുണ്ട് -വ്ലാദിമിർ പുതിൻ, റഷ്യൻ പ്രസിഡന്റ്

* നമ്മുടെ രാജ്യത്തിൻ്റെ ഈ നിർണായകനിമിഷത്തിൽ നീതിയും സുസ്ഥിരസമാധാനവും കൈവരിക്കുന്നതിനുള്ള യുക്രൈൻ്റെ ശ്രമങ്ങൾക്ക് വത്തിക്കാന്റെ ധാർമിക, ആത്മീയ പിന്തുണ തുടരുമെന്ന് പ്രതീക്ഷിക്കാം -വൊളോദിമിർ സെലെൻസ്‌കി, യുക്രൈൻ പ്രസിഡന്റ്റ്

*എല്ലാ വിശ്വാസങ്ങൾതമ്മിലുള്ള അനുരഞ്ജാനവും പ്രത്യാശയും വളർത്തുന്നതിൽ യുഎസിൽനിന്നുള്ള ആദ്യ മാർപാപ്പ വിജയിക്കട്ടെയെന്ന് ആശംസിക്കുന്നു ബെഞ്ചമിൻ നെതന്യാഹു ഇസ്രയേൽ പ്രധാനമന്ത്രി

* ആദരണീയമായ കർമവും ഫ്രാൻസിസ് മാർപാപ്പയുടെ പാരമ്പര്യവും അദ്ദേഹത്തിന്റെ സമാധാനശ്രമങ്ങളും തുടരാൻ ലിയോ പതിന്നാലാമൻ മാർപാപ്പയ്ക്ക് കഴിയട്ടെ -മഹ്‌മുദ് അബ്ബാസ്, പലസ്‌തീൻ പ്രസിഡന്റ്

* സംഘർഷവും അസ്വസ്ഥതയും നിറഞ്ഞകാലത്ത് സമാധാനത്തിനും സാഹോദര്യത്തിനും ഉത്തരവാദിത്വംപുലർത്താനുള്ള ശക്തമായ ആഹ്വാനമാണ് മാർപാപ്പയുടേത് -ജോർജിയ മെലോണി, ഇറ്റാലിയൻ പ്രധാനമന്ത്രി

* ചൈനയുമായുള്ള ക്രിയാത്മകചർച്ചയും പരസ്‌പരാത്പര്യമുള്ള അന്താരാഷ്ട്രവിഷയങ്ങളിലെ ആഴത്തിലുള്ള ആശയവിനിമയവും പുതിയ പാപ്പയുടെ നേതൃത്വത്തിലും വത്തിക്കാൻ തുടരുമെന്ന് പ്രതീക്ഷിക്കുന്നു ലിൻ ജിയാൻ, ചൈനീസ് വിദേശകാര്യവക്താവ്.