ശ്രീനാരായണ ഗ്രന്ഥങ്ങൾ ബ്രിട്ടീഷ് പാർലമെൻ്റിന് കൈമാറി

ശിവഗിരി ശ്രീനാരായണ ഗുരുദേവൻ്റെ സന്ദേശങ്ങളും ദർശനവും ഉൾക്കൊള്ളുന്ന ഗ്രന്ഥങ്ങളും ഗുരുദേവ പ്രതിമയും ബ്രിട്ടീഷ് പാർലമെന്റിന് കൈമാറി. ശ്രീനാരായണ ധർമസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ രചിച്ച ഇംഗ്ലീഷ് ഗ്രന്ഥങ്ങളാണ് കൈമാറിയത്. ആഷ്‌ഫോർഡ് പാർലമെന്റ് അംഗം സോജൻ ജോസഫ്, സ്വാമി സച്ചിദാനന്ദയിൽ നിന്നും ഗ്രന്ഥങ്ങളും പ്രതിമയും ഏറ്റുവാങ്ങി. തായ്‌ലന്റിലെ ബുദ്ധമത പുരോഹിതന്മാരും ശ്രീലങ്ക, ബർമ എന്നിവിടങ്ങളിൽനിന്നുള്ള ബുദ്ധസന്ന്യാസിമാരും പങ്കെടുത്തു. ധർമസംഘം ട്രസ്റ്റ് ജനറൽ സെക്രട്ടറി സ്വാമി ശുഭാംഗാനന്ദ, സ്വാമി അസംഗാനന്ദഗിരി, സ്വാമി വീരേശ്വരാനന്ദ, ഡോ.സുരേഷ് കുമാർ മധുസൂദനൻ, ഡോ. ബിജു പെരിങ്ങത്തറ, ബൈജു പാലയ്ക്കൽ, ഡോ. ശാർങ്ഗധരൻ തുടങ്ങിയവർ പങ്കെടുത്തു.