അയിരൂരിൽനിന്ന് ചട്ടമ്പിസ്വാമികളുടെ ഛായാചിത്രം യൂറോപ്പിലേക്ക്

കാഞ്ഞീറ്റുകര : ജർമനിയിലെ യോഗവിദ്യാ ആശ്രമത്തിൻ്റെ മുപ്പതാമത് വാർഷിക ആഘോഷങ്ങളുടെ ഭാഗമായി ചട്ടമ്പിസ്വാമികളുടെ ഛായാചിത്രം സ്വാമികൾ സന്ദർശനം നടത്തിയ അയിരൂർ തോട്ടാവള്ളിൽ കുടുംബത്തിൽനിന്ന് സെക്രട്ടറി ജി. ദിലീപ്, ജർമനി ആശ്രമപ്രതിനിധികൾക്ക് സമർപ്പിച്ചു. യോഗവിദ്യ ആശ്രമത്തിന്റെ മഠാധിപതി സ്വാമി സുഖ്‌ദേവ് ജി. ബ്രെറ്റ്സ് ഈ വർഷം ചെറുകോൽപ്പുഴ ഹിന്ദുമത കൺവെൻഷനിൽ പങ്കെടുക്കനെത്തിയപ്പോൾ തോട്ടാവള്ളിൽ തറവാട് സന്ദർശിച്ചിരുന്നു. ആശ്രമത്തിൻ് ഉപദേശകസമിതി അംഗം ഹരിലാൽ, മറ്റ് ജർമൻ പ്രതിനിധികളും വാഴൂർ തീർഥപാദാശ്രമം മഠാധിപതി സ്വാമി പ്രജ്ഞാനാനന്ദ തീർഥപാദരും തോട്ടാവള്ളിൽ ഫാമിലി ട്രസ്റ്റ് ജോയിന്റ് സെക്രട്ടറി മഹേഷ് രവീന്ദ്ര ജി. ദിനേഷ് എന്നിവരും പങ്കെടുത്തു.