സന്തോഷിക്കാൻ പുരവഞ്ചിയാത്ര: കുടുംബശ്രീക്ക് നന്ദിപറഞ്ഞ് മുത്തശ്ശിമാർ

കുറ്റിക്കോൽ : വാർധക്യത്തിന്റെ അവശതമറന്ന് അവർ ആഘോഷമാക്കി ആ പുരവഞ്ചിയാത്ര. കുറ്റിക്കോൽ കുടുംബശ്രീ സി.ഡി.എസാണ് വയോജനങ്ങൾക്ക് സന്തോഷം പകരുക എന്ന ലക്ഷ്യത്തോടെ യാത്ര സംഘടിപ്പിച്ചത്. സി.ഡി.എസ്. ചെയർപേഴ്സൺ സി. റീന നേതൃത്വം നൽകി.

നീലേശ്വരം കോട്ടപ്പുറത്ത് കായലിലൂടെയുള്ള പുരവഞ്ചിയാത്ര ഇവർക്ക് വേറിട്ട അനുഭവങ്ങൾ സമ്മാനിച്ചു. 55 പേർ യാത്രയിൽ പങ്കെടുത്തു. യാത്രയിലുടെ ആസ്വാദ്യകരമായ അനുഭവം സമ്മാനിച്ച കുറ്റിക്കോൽ കുടുംബശ്രീ സി.ഡി.എസിനോട് നന്ദിപറഞ്ഞാണ് മുത്തശ്ശിമാർ വീടുകളിലേക്ക് തിരിച്ചുപോയത്.