മഞ്ഞിൽക്കുളിച്ച് മറയൂർ; സഞ്ചാരികളുടെ തിരക്ക്

മറയൂർ : കാന്തല്ലൂർ, മറയൂർ മേഖലയിൽ മഞ്ഞുമൂടിക്കിടക്കുന്ന മലനിരകൾ സഞ്ചാരികളുടെ മനംകവരുന്നു. നല്ലതണുപ്പും മഞ്ഞും ആസ്വദിക്കുവാൻ നൂറു കണക്കിന് സഞ്ചാരികളാണ് ഈ മേഖലയിൽ എത്തുന്നത്. പൊങ്കലിന് 10 ദിവസം അവധിയായിരുന്നതിനാൽ തമിഴ്നാട്ടിൽനിന്നുമാണ് കഴിഞ്ഞ ഒരാഴ്ച ഏറ്റവും കൂടുതൽ സഞ്ചാരികൾ എത്തിയത്.

മലമുകളിൽ മഴ ലഭിച്ചതിനാൽ ഇരച്ചിൽപാറ, കച്ചാരം, കരിമൂട്ടി, തൂവാനം വെള്ളച്ചാട്ടങ്ങളിൽ നല്ല നീരൊഴുക്കാണ്. ഭ്രമരം വ്യൂപോയിന്റ്, മുനിയറകളുടെ മുരുകൻമല എന്നിവിടങ്ങളിൽ മഞ്ഞുകൊണ്ടുള്ള സഞ്ചാരികളുടെ ആഘോഷ തിമിർപ്പ് രസംതരുന്ന കാഴ്ചകളാണ്.