'കനവ് റസിഡൻസ് അസോസിയേഷൻ 'വാർഷിക ആഘോഷം

'കനവ് റസിഡൻസ് അസോസിയേഷൻ 'വാർഷിക ആഘോഷം

വടകര :പുത്തൂരിലെ പാർപ്പിട കൂട്ടായ്മയായ 'കനവ് റസിഡൻസ് അസോസിയേഷൻ 'വാർഷിക ആഘോഷം കുടുംബാംഗങ്ങളുടെ വിപുലമായ കൂട്ടായ്മയിൽ കായിക കലാമത്സരങ്ങളോടെ ആഘോഷപൂർവ്വം ആചരിച്ചു 

വാർഷികാഘോഷ പരിപാടി നഗരസഭാ ചെയർപേഴ്സൺ കെ ബിന്ദു ഉദ്ഘാടനം ചെയ്തു .

'കടത്തനാടിൻറെ കാണാപ്പുറങ്ങൾ ' എന്ന ചരിത്ര പുസ്തകത്തിൻറെ രചയിതാവും സംസ്ഥാന ഭാഷാ കലാസാഹിത്യ സംഘത്തിൻറെ 'ചരിത്രാന്വേഷികൾ ' പുരസ്കാരജേതാവും കവിയും നാടകകൃത്തുമായ ഇടയത്ത് ശശീന്ദ്രനെയും വിവിധ മേഖലകളിൽ കഴിവ് തെളിയിച്ച വിദ്യാർഥികളെയും ചടങ്ങിൽ അനുമോദിക്കുകയുണ്ടായി .

അസോസിയേഷൻ പ്രസിഡൻറ് എം അബ്ദുൽ നാസർ അധ്യക്ഷത വഹിച്ചു ഇടയത്ത് ശശീന്ദ്രൻ .വി ടി സദാനന്ദൻ .എം രാജൻ ,രാജീവൻ പറമ്പത്ത് ,രവീന്ദ്രൻ . ലതാ ബാലൻ എന്നിവർ സംസാരിച്ചു .

സെക്രട്ടറി അഡ്വ .ലതികശ്രീനിവാസ് സ്വാഗതവും ട്രഷറർ വി ഷാജി ചടങ്ങിൽ നന്ദിയും പറഞ്ഞു .തുടർന്ന് അസോസിയേഷൻ കുടുംബാംഗങ്ങൾ അവതരിപ്പിച്ച വിവിധ കലാപരിപാടികളും അരങ്ങേറി