വാനോളം ഉയർന്ന് ഭിന്നശേഷി കുട്ടികളുടെ സ്വപ്‌നയാത്ര

നെടുമ്പാശ്ശേരി: സമഗ്രശിക്ഷ കേരളം അങ്കമാലി ബിആർസിയുടെ നേതൃത്വത്തിൽ ലയൺസ് ഡിസ്ട്രിക്‌ട് 318 സിയുടെ സഹകരണത്തോടെ ഭിന്നശേഷി കുട്ടികൾക്കായി ആകാശയാത്ര സംഘടിപ്പിച്ചു. ഇൻഡിഗോ വിമാനത്തിൽ കൊച്ചിയിൽനിന്നും തിരുവനന്തപുരം വരെയുള്ള യാത്ര സിയാൽ എംഡി ജി. മനു ഉദ്ഘാടനം ചെയ്‌തു.

ലയൺസ് ഭാരവാഹികളായ സജി പാമേലി, ഷൈൻ കുമാർ, ഡേവിസ്, ജസ്റ്റിൻ എന്നിവർ സംസാരിച്ചു. അങ്കമാലി ഉപജില്ലയിലെ പൊതുവിദ്യാലയങ്ങളിൽ പഠിക്കുന്ന 30 ഭിന്നശേഷി കുട്ടികളെയും 10 അധ്യാപകരെയും ഉൾക്കൊള്ളിച്ചാണ് 'ആകാശ വിസ്മയ യാത്ര' സംഘടിപ്പിച്ചത്. 10 ലയൺസ് ഭാരവാഹികളും യാത്രയെ അനുഗമിച്ചു. ബിപിസിഎൽ, ഇൻഡിഗോ എന്നിവർ കുട്ടികൾക്ക് സമ്മാനങ്ങളും നൽകി.