വേമ്പനാട്ടുകായലിൽ നീന്താനൊരുങ്ങി 10 ഭിന്നശേഷി കുട്ടികൾ

വൈക്കം വേമ്പനാട്ടുകായലിൽ നീന്താനൊരുങ്ങി 10 ഭിന്നശേഷി കുട്ടികൾ. സർക്കാർ നടപ്പിലാക്കുന്ന ഭിന്നശേഷി പ്രവർത്തനങ്ങളുടെ ഭാഗമായിട്ടുള്ള സ്വിമ്മിങ് തെറാപ്പി കോഴ്‌സ് പൂർത്തിയാക്കിയവരാണ് കായൽ നീന്തിക്കടക്കുന്നത്.

ജെആർ സ്വമ്മിങ് അക്കാദമിയും എമർജിങ് വൈക്കം സാമൂഹികമാധ്യമ കൂട്ടായ്മ്‌മയും ചേർന്നാണ് പരിപാടി സംഘടിപ്പിക്കുന്നത്. ശനിയാഴ്ച രാവിലെ 7.30-ന് ചേർത്തല അമ്പലക്കടവിൽ ചേന്നംപള്ളിപ്പുറം പഞ്ചായത്ത് പ്രസിഡന്റ് ടി.എസ്. സുധീഷ് നീന്തൽ ഫ്ളാഗ് ഓഫ് ചെയ്യും.

10-ന് വൈക്കം ബിച്ച് മൈതാനത്ത് നടക്കുന്ന അനുമോദനസമ്മേളനം അഡ്വ. കെ. ഫ്രാൻസിസ് ജോർജ് എംപി ഉദ്ഘാടനം ചെയ്യും. മോൻസ് ജോസഫ് എംഎൽഎ. മുഖ്യാതിഥിയാകും. പ്രോഗ്രാം കോഡിനേറ്റർ അഡ്വ.എ. മനാഫ് അധ്യക്ഷത വഹിക്കും.