നവാസ്: നാടിനു പ്രിയപ്പെട്ടവൻ

വടക്കാഞ്ചേരി : അഞ്ചുമാസം മുൻപ് ഉത്രാളിപ്പുരം പ്രദർശനവേദിയിലെത്തി നാടിന്റെ ആദരം കലാഭവൻ നവാസ് സഹോദരങ്ങളോടൊപ്പം സ്വീകരിച്ചതാണ്. വടക്കാഞ്ചേരിക്കാർക്കെല്ലാം പ്രിയപ്പെട്ടവനായിരുന്നു നാടകനടനും സിനിമാനടനുമായ അബൂബക്കർ.

അബൂബക്കറിൻ്റെ മക്കൾ കലാഭവൻ നവാസും കലാഭവൻ നിയാസും തിരക്കിനിടയിലും വിശേഷങ്ങൾക്കെല്ലാം വടക്കാഞ്ചേരിയിലെത്തിയിരുന്നു. ഭാര്യ രഹ്നയും സിനിമാനടിയെന്ന നിലയിൽ അടുത്ത കാലത്ത് സജീവമായിരുന്നു.

എല്ലാ അർഥത്തിലും കലാകുടുംബമായിരുന്നു അവരുടേത്. നാടിന്റെ ആദരം അവർ ഒന്നിച്ചെത്തി കഴിഞ്ഞ ഫിബ്രുവരി 14-നാണ് ഏറ്റുവാങ്ങിയത്. കലാഭവൻ നിയാസിനും നവാസിനുമുള്ള ജന്മനാടിൻ്റെ ഉപഹാരങ്ങൾ സേവ്യർ ചിറ്റിലപ്പിള്ളി എംഎൽഎയാണ് കൈമാറിയത്.