ഗിന്നസ് റെക്കോഡ് ലക്ഷ്യമിട്ട് ഉമാ ജിഞ്ചുവിൻ്റെ യോഗ

കോഴിക്കോട്: യോഗയിലെ ക്ലേശകരമായ ആസനം ഏറ്റവുമധികം സമയം അനുഷ്‌ഠിച്ച് ഗിന്നസ് റെക്കോർഡ് ലക്ഷ്യമിട്ട് അന്തർദേശീയ യോഗാദിനത്തിൽ പന്ത്രണ്ടുകാരിയുടെ യോഗാപ്രകടനം.

പന്തീരാങ്കാവ് സ്വദേശി ടി.കെ. ഉമാ ജിഞ്ചുവാണ് ശരീരമൊന്നാകെ പിറകോട്ടുവളച്ച് താടി നിലത്തുതൊട്ടിച്ചുള്ള ഖണ്ഡഭേരുണ്ടാസനത്തിൽ ഒരു മണിക്കൂർ പൂർത്തിയാക്കിയത്. ഗുരുപതഞ്ജലി യോഗാ സ്റ്റുഡിയോ യോഗാചാര്യനും നാഷണൽ യോഗാസന കോച്ചുമായ ടി.കെ. ജിഞ്ചുവിന്റെയും യോഗാചാര്യ ഐശ്വര്യയുടെയും മകളാണ് ഉമ

സ്പോർട്സ് കൗൺസിൽ ഹാളിൽ ഗിന്നസ് ബുക്ക് ഓഫ് റെക്കോഡ്‌സിന്റെ റഫറിമാരുടെ സാന്നിധ്യത്തിലായിരുന്നു പ്രദർശനം.

എം.കെ. രാഘവൻ എം.പി. ഉദ്ഘാടനംചെയ്‌തു. തോട്ടത്തിൽ രവീന്ദ്രൻ എംഎൽഎ മുഖ്യാഥിതിയായി. ഡോ. ആത്മദേവ് ദാമോദർ സംസാരിച്ചു.