ഊട്ടി പനിനീർപ്പൂ മേള ഇന്ന് തുടങ്ങും

ഊട്ടി: മൂന്ന് ദിവസം നീണ്ടുനിൽക്കുന്ന പനിനീർപ്പൂ മേള ശനിയാഴ്‌ച ആരംഭിക്കും. ഊട്ടിയിലെ പ്രസിദ്ധമായ പനിനീർപ്പൂ ഉദ്യാനത്തിലാണ് മേള നടക്കുന്നത്. 4,200 ഇനങ്ങളിൽപ്പെട്ട ഒരു ലക്ഷത്തോളം പനിനീർ ചെടികളാണ് ഇവിടെ പൂവണിഞ്ഞു നിൽക്കുന്നത്.

നിലഗിരി ഹോർട്ടിക്കൾച്ചർ വിഭാഗത്തിന് പുറമെ കോയമ്പത്തൂർ, ഈറോഡ്, സേലം, ധർമപുരി, തിരുപ്പൂർ, തഞ്ചാവൂർ തുടങ്ങിയ ജില്ലകളിൽനിന്നും മേളയിൽ പങ്കാളിത്തമുണ്ട്. പനിനീർ പൂക്കൾ കൊണ്ട് ഒരുക്കുന്ന വിവിധ രൂപങ്ങൾ തന്നെയാണ് മേളയിൽ പ്രധാനം. എല്ലാ ഒരുക്കങ്ങളും ഏതാണ്ട് പൂർത്തിയായി. 12 ഏക്കർ വിസ്തൃതിയുള്ള ഉദ്യാനം മുഴുവൻ ലക്ഷക്കണക്കിന് പനിനീർപ്പൂക്കൾ കൊണ്ട് സമൃദ്ധമായിരിക്കുകയാണ്.