വ്യാജ ഗാന്ധിമാർ ഇന്ത്യയുടെ ആത്മാവിനെ കുത്തിനോവിക്കുന്നു -കെ. സുരേന്ദ്രൻ

ചെങ്ങന്നൂർ: മഹാത്മാഗാന്ധിയുടെ ആശയങ്ങളെ തള്ളിപ്പറഞ്ഞ വ്യാജഗാന്ധിമാർ ഇന്ത്യയുടെ ആത്മാവിനെ കുത്തിനോവിക്കുകയാണെന്ന് ബിജെപി സംസ്ഥാന അധ്യക്ഷൻ കെ. സുരേന്ദ്രൻ പറഞ്ഞു. ഗാന്ധിജി ചെങ്ങന്നൂരിലെത്തിയതിൻ്റെ നൂറാം വാർഷികത്തോടനബന്ധിച്ച് ബിജെപി സംഘടിപ്പിച്ച 'ഗാന്ധിമാർഗത്തിലെ ചെങ്ങന്നൂർ' എന്ന പേരിൽ സംഘടിപ്പിച്ച സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

ജില്ലാ പ്രസിഡന്റ് സന്ദീപ് വാചസ്‌പതി അധ്യക്ഷനായി. റോട്ടറി ഇൻഫർമേഷൻ ജില്ലാ ചെയർമാൻ കെ.എം. മാമ്മൻ, ഓൾ കേരള സീനിയർ സിറ്റിസൺസ് ഫോറം സംസ്ഥാന ട്രഷറർ ഈപ്പൻ ചെറിയാൻ, ദക്ഷിണമേഖലാ പ്രസിഡൻ്റ് കെ. സോമൻ, സംസ്ഥാന കൗൺസിലംഗം എം.വി. ഗോപകുമാർ, ദേശീയ കൗൺസിലംഗം കെ.എസ്. രാജൻ, ബി, കൃഷ്‌ണകുമാർ, പ്രമോദ് കാരക്കാട്, അനീഷ് മുളക്കുഴ, സതീഷ് കൃഷ്‌ണൻ, മനു കൃഷ്ണ‌ൻ തുടങ്ങിയവർ പ്രസംഗിച്ചു.