സർക്കാരിനു കുറ്റവാളികളോടുള്ളത് വിട്ടുവീഴ്‌ചാ മനോഭാവം - രമേശ് ചെന്നിത്തല

വെഞ്ഞാറമൂട്: കുറ്റവാളികളോടും മാഫിയകളോടുമുള്ള സർക്കാരിന്റെ വിട്ടുവീഴ്ചാ മനോഭാവം അവസാനിപ്പിച്ചാൽ മാത്രം അരുംകൊലകൾക്ക് അവസാനമാകുമെന്ന് കോൺഗ്രസ് നേതാവ് രമേശ് ചെന്നിത്തല, അഫാൻ കൂട്ടക്കൊലപാതകങ്ങളിൽ ഇരയായ സുഹൃത്ത് ഫർസാനയുടെയും സൽമാബീവിയുടെയും വീടുകളും ചികിത്സയിൽ കഴിയുന്ന പ്രതി അഫാന്റെ മാതാവ് ഷെമിയെയും സന്ദർശിച്ചശേഷം മാധ്യമങ്ങളോടു സംസാരിക്കുകയായിരുന്നു അദ്ദേഹം.

വ്യാഴാഴ്ച ഉച്ചയോടെ എത്തിയ രമേശ് ചെന്നിത്തല ഫർസാനയുടെ മുക്കുന്നുരിലെ വീട്ടിലും തുടർന്ന് ചികിത്സയിൽ കഴിയുന്ന അഫാൻ്റെ മാതാവ് ഷെമിയെയും പാങ്ങോട്ടുള്ള സൽമാബീവിയുടെ ബന്ധുക്കളെയും കണ്ട് ആശ്വസിപ്പിച്ചാണ് മടങ്ങിയത്. കെ.പി.സി.സി. സെക്രട്ടറി ബി.ആർ.എം.ഷഫീർ, നേതാക്കളായ ആനാട് ജയൻ, ആനക്കുഴി ഷാനവാസ്, ജി.പുരുഷോത്തമൻ നായർ, ബിനു, സുജിത് എസ്.കുറുപ്പ്, കീഴായിക്കോണം അജയൻ തുടങ്ങിയവർ ഒപ്പം ഉണ്ടായിരുന്നു.