രാഷ്ട്രീയം നോക്കി മണ്ഡലങ്ങളോടുള്ള വിവേചനം അംഗീകരിക്കാനാകില്ല -ചാണ്ടി ഉമ്മൻ

വാകത്താനം പുതുപ്പള്ളി മണ്ഡലത്തിലെ പി.ഡബ്ല്യു.ഡി, റോഡുകളുടെ അറ്റകുറ്റപ്പണി നടത്താത്ത പൊതുമരാമത്ത് വകുപ്പിൻ്റെയും സർക്കാരിന്റെയും അനാസ്ഥ രാഷ്ട്രീയ പ്രേരിതമാണെന്ന് പാണ്ടി ഉമ്മൻ എം.എൽ.എ. കോൺഗ്രസ് വാകത്താനം മണ്ഡലം കമ്മിറ്റി നടത്തിയ ത്രിതലപഞ്ചായത്ത് ജനപ്രതിനിധികളുടെ ഏകദിന സത്യാഗ്രഹത്തിൻ്റെ സമാപന സമ്മേളനം ഉദ്ഘാടണം ചെയ്യുകയായിരുന്നു അദ്ദേഹം. രാവിലെ 10 മണിമുതൽ വൈകീട്ട് അഞ്ചുവരെ ഞാലിയാകുഴി കവലയിലായിരുന്നു സത്യാഗ്രഹം. ജില്ലാപഞ്ചായത്തംഗം സുധ കുര്യൻ, ബ്ലോക്ക് പഞ്ചായത്തംഗം ബിന കുന്നത്ത്, പഞ്ചായത്തംഗങ്ങളായ എജി പാറപ്പാട്ട്, പി.കെ.മജു രമേശ് നടരാജൻ, എലിസബത്ത് മാത്യു, ഷൈനി അനിൽ, വിജിമോൾ, സഹകരണബാങ്ക് ബോർഡ് മെമ്പർമാർ തുടങ്ങിയവർ പങ്കെടുത്തു. മണ്ഡലം പ്രസിഡന്റ് പി.പി.പുന്നൂസ്, ജോഷി ഫിലിപ്പ്, ജെയിംസ് ജേക്കബ് വിലങ്ങൻപാറ, എസ്.സന്തോഷ്കുമാർ അടക്കമുള്ള കോൺഗ്രസ് നേതാക്കൾ തുടങ്ങിയവർ പ്രസംഗിച്ചു.