കോൺഗ്രസ് ജയിച്ചാലും ബിജെപി ഭരിക്കും -കെ.കെ. ശൈലജ

കോഴിക്കോട് : തദ്ദേശതിരഞ്ഞെടുപ്പ് കഴിഞ്ഞതോടെ കോൺഗ്രസും ബിജെപിയും തമ്മിലുള്ള ബാന്ധവം വ്യക്തമായെന്ന് അഖിലേന്ത്യ ജനാധിപത്യ മഹിളാഅസോസിയേഷൻ വൈസ് പ്രസിഡൻ്റ് കെ.കെ. ശൈലജ എംഎൽഎ പറഞ്ഞു. കോൺഗ്രസ് ജയിച്ചാലും ബിജെപി ഭരിക്കും. ഒരു ലജ്ജയുമില്ലാതെ കൈപ്പത്തിയെ താമരയാക്കിയത് മറ്റത്തൂരിൽ കണ്ടെന്നും അവർ പറഞ്ഞു. അഖിലേന്ത്യ ജനാധിപത്യ മഹിളാഅസോസിയേഷൻ ജില്ലാസമ്മേളനം ഉദ്ഘാടനം ചെയ്യുകയായിരുന്നു.

ദേശീയ പ്രസിഡന്റ് പി.കെ. ശ്രീമതി, സംസ്ഥാന പ്രസിഡന്റ് സൂസൻ കൊടി, സെക്രട്ടറി സി.എസ്. സുജാത, നേതാക്കളായ കെ.കെ. ലതിക, ദീപ ഡി ഓൾഗ, പി.പി. ദിവ്യ, എം. സുമതി, കെ. പുഷ്പജ, മീരാ ദർശക്, ഷെറീന മജിദ്, അഞ്ജു ശ്രീധർ, എൽ.ജി. ലിജീഷ് തുടങ്ങിയവർ സംസാരിച്ചു. സംഘടനാനേതാവും എംഎൽഎയുമായിരുന്ന കാനത്തിൽ ജമീലയുടെ ഛായാചിത്രത്തിൽ പുഷ്പാർച്ചന നടത്തിയശേഷമാണ് സമ്മേളനം തുടങ്ങിയത്.