അടിയന്തരാവസ്ഥയുടെ പുതുരൂപം നടപ്പാക്കാൻ ശ്രമം -ടി.പി. രാമകൃഷ്‌ണൻ

കക്കയം: അടിയന്തരാവസ്ഥയുടെ പുതിയരൂപം നടപ്പാക്കാൻ രാജ്യത്ത് ശ്രമംനടക്കുന്നതായി എൽഡിഎഫ് കൺവീനറും സിപിഎം കേന്ദ്രകമ്മിറ്റിയംഗവുമായ ടി.പി. രാമകൃഷ്ണ‌ൻ പറഞ്ഞു. അടിയന്തരാവസ്ഥയുടെ അൻപതാം വാർഷികത്തോടനുബന്ധിച്ച് സിപിഎം ബാലുശ്ശേരി ഏരിയാകമ്മിറ്റി സംഘടിപ്പിച്ച 'പോരാളികളുടെ സംഗമം' ഉദ്ഘാടനംചെയ്ത് സംസാരിക്കുകയായിരുന്നു അദ്ദേഹം.

സിപിഎം ജില്ലാകമ്മിറ്റിയംഗം സച്ചിൻദേവ് എംഎൽഎ അധ്യക്ഷതവഹിച്ചു. അടിയന്തരാവസ്ഥയിൽ ജയിൽവാസമനുഭവിക്കുകയും പോലീസ് പീഡനത്തിനിരയാവുകയും ചെയ്‌ത പോരാളികളെ ജില്ലാസെക്രട്ടറി എം. മെഹബൂബ് ആദരിച്ചു.

ഇസ്‌മായിൽ കുറുമ്പൊയിൽ, ടി.കെ. സുമേഷ്, പി.പി. പ്രേമ, വി.എം. കുട്ടികൃഷ്ണ‌ൻ, എം.കെ. നളിനി, എ.കെ. മണി, പി.പി. രവീന്ദ്രനാഥ്, കെ.ജി. അരുൺ, വി.ജെ. സണ്ണി എന്നിവർ സംസാരിച്ചു.