അപ്രഖ്യാപിത അടിയന്തരാവസ്ഥകൊണ്ട് ഗാന്ധിയുടെ സ്വാധീനം നിർമൂലനം ചെയ്‌തു -കല്പറ്റ നാരായണൻ

കോഴിക്കോട് : ഒൻപതുവർഷത്തെ അപ്രഖ്യാപിത അടിയന്തരാവസ്ഥകൊണ്ട്

മഹാത്മാഗാന്ധിയുടെ സ്വാധീനത്തെ നിർമൂലനംചെയ്യാൻ ഭരണാധികാരികൾക്ക് ഏറക്കുറെ സാധിച്ചെന്ന് എഴുത്തുകാരനും പ്രഭാഷകനുമായ കല്പറ്റ നാരായണൻ അഭിപ്രായപ്പെട്ടു. പാവറ കൾച്ചറൽ സെൻ്ററിൽ സുകുമാർ അഴീക്കോട് അനുസ്മരണപ്രഭാഷണം നടത്തുകയായിരുന്നു അദ്ദേഹം.

സുകുമാർ അഴിക്കോട് ട്രസ്റ്റിൻ്റെ സഹകരണത്തോടെ ചാവറ കൾച്ചറൽ സെന്ററാണ് ജന്മശതാബ്‌ദിയാഘോഷം സംഘടിപ്പിച്ചത്. അഴിക്കോടിന്റെ പ്രഭാഷണസമാഹാരങ്ങളായ 'നമ്മിൽ അവതരിക്കേണ്ട ഗാന്ധി', 'വർഗീയതയും ലഹരിസംസ്കാരവും' എന്നീ പുസ്‌തകങ്ങൾ ഫാ. ജോൺ മണ്ണാറത്തറയ്ക്ക നൽകി കല്പറ്റ നാരായണൻ പ്രകാശനം ചെയ്തു‌. ഡോ. പോൾ മണലിൽ അധ്യക്ഷനായി. കെ.എഫ്. ജോർജ്, കെ.സി. ഷൈജൽ എന്നിവർ സംസാരിച്ചു.