രാഷ്ട്രീയ തർക്കങ്ങൾ വിദ്യാഭ്യാസമേഖലയെ തകർക്കുന്നു- കെ. മുരളീധരൻ

പെരിങ്ങമ്മല : ഗവർണറെ മുൻനിർത്തി സംസ്ഥാനത്തു നടക്കുന്ന സിപിഎം-

ബിജെപി തർക്കങ്ങൾ ഉന്നതവിദ്യാഭ്യാസമേഖലയെ തകർക്കുകയാണെന്ന് കെ. മുരളീധരൻ പറഞ്ഞു. കോൺഗ്രസ് മേഖലാ സമിതി തെന്നൂരിൽ സംഘടിപ്പിച്ച വിദ്യാഭ്യാസ അവാർഡുദാനവും പഠനോപകരണവിതരണവും ഉദ്ഘാടനം ചെയ‌് സംസാരിക്കുകയായിരുന്നു അദ്ദേഹം.

വിവിധ പരീക്ഷകളിൽ ഉന്നതവിജയം കരസ്ഥമാക്കിയ കുട്ടികൾക്ക് പടങ്ങിൽ ഉപഹാരങ്ങളും നിരവധി കുട്ടികൾക്കു പഠനോപകരണങ്ങളും വിതരണം ചെയ്തു.

എസ്. ഹാഷിം അധ്യക്ഷനായി, ബി. സുശീലൻ, ആനാട് ജയൻ, ഡി. രഘുനാഥൻനായർ, സുധീർഷാ, ബി. പവിത്രകുമാർ, സോഫി തോമസ്, താന്നിമൂട് ഷംസുദീൻ, റസിയാ അൻസർ, വി, സന്തോഷ് കുമാർ, ഭുവനചന്ദ്രൻ, കൊച്ചുകരിക്കകം നൗഷാദ് എന്നിവർ സംസാരിച്ചു.