ഭാരതാംബയെ വിവാദമാക്കാൻ ശ്രമിക്കുന്നത് ഗവർണർ -ബിനോയ് വിശ്വം

നെടുമങ്ങാട് : ഗവർണറുടെ തീവ്രഹിന്ദുത്വ നിലപാടിനു മുന്നിൽ

മുട്ടുമടക്കില്ലെന്നും ഭാരതാംബയെ വിവാദമാക്കാൻ ശ്രമിക്കുന്നത് ഗവർണറാണെന്നും സിപിഐ സംസ്ഥാന സെക്രട്ടറി ബിനോയ് വിശ്വം. ഭൂരിപക്ഷ-ന്യൂനപക്ഷ വ്യത്യാസമില്ലാതെ എല്ലാത്തരം തീവ്രവാദത്തിനും കമ്മ്യൂണിസ്റ്റുകാർ എതിരാണെന്നും പറഞ്ഞു.

സിപിഐ നെടുമങ്ങാട് മണ്ഡലം സമ്മേളനത്തിൻ്റെ ഭാഗമായുള്ള പ്രതിനിധി സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പൊതുസമ്മേളനവും ബഹുജനറാലിയും റെഡ് വൊളൻ്റിയർ പരേഡും മന്ത്രി ജി.ആർ.അനിൽ ഉദ്ഘാടനം ചെയ്‌തു. സംസ്ഥാന കൗൺസിൽ അംഗം വി.പി.ഉണ്ണികൃഷ്ണണൻ രാഷ്ട്രീയ റിപ്പോർട്ട് അവതരിപ്പിച്ചു. മുൻ മന്ത്രി സി.ദിവാകരൻ, ജില്ലാ സെക്രട്ടറി മാങ്കോട് രാധാകൃഷ്‌ണൻ, വേണുഗോപാലൻ നായർ, പള്ളിച്ചൽ വിജയൻ, മീനാങ്കൽ കുമാർ, പി.എസ്.ഷൗക്കത്ത്, ജോർജ് തോമസ്, മനോജ് ബി.ഇടമന, എം.ജി.രാഹുൽ, കെ.ദേവകി, രാഖി രവികുമാർ തുടങ്ങിയവർ സംസാരിച്ചു.

ശനിയാഴ്ച മണ്ഡലം സെക്രട്ടറി പി.എസ്.ഷെരീഫ് പ്രവർത്തന റിപ്പോർട്ട് അവതരിപ്പിക്കും.