സർക്കാരിനുള്ള അംഗീകാരമാകും: അൻവർ വിഷയമല്ല -എം. സ്വരാജ്

തൃശ്ശൂർ: സർക്കാരിൻ്റെ വികസനപ്രവർത്തനങ്ങൾക്ക് ജനങ്ങൾ നൽകുന്ന അംഗീകാരമാകും നിലമ്പൂർ തിരഞ്ഞെടുപ്പുഫലമെന്ന് എൽഡിഎഫ് സ്ഥാനാർഥി എം. സ്വരാജ് മാധ്യമങ്ങളോട് പറഞ്ഞു. വെല്ലുവിളികൾക്കോ ഭീഷണികൾക്കോ പരദൂഷണങ്ങൾക്കോ രാഷ്ട്രീയത്തിൽ സ്ഥാനമില്ല. രാഷ്ട്രീയപ്രവർത്തനം ആശയങ്ങൾതമ്മിലാണ്.

നിലമ്പൂരിനും കേരളത്തിനും ഇടതുമനസ്സാണ്. നിലമ്പൂരിൽ ചേലക്കര ആവർത്തിക്കും. പി.വി. അൻവർ തങ്ങളുടെ പരിഗണനവിഷയമല്ല, യുഡിഎഫ് നേരിടുന്ന പ്രശ്ന‌മാണെന്നും എൽഡിഎഫിനെ ബാധിക്കുകയില്ലെന്നും അദ്ദേഹം പറഞ്ഞു.