വർക്കല രാധാകൃഷ്‌ണൻ മനുഷ്യസ്നേഹിയായ കമ്യൂണിസ്റ്റ് -എം.വി. ഗോവിന്ദൻ

വർക്കല മനുഷ്യസ്നേഹിയായ കമ്യൂണിസ്റ്റായിരുന്നു വർക്കല രാധാകൃഷ്ണനെന്നും അദ്ദേഹത്തിൻ്റെ സ്‌മാരകമന്ദിരം പൊതുജനങ്ങൾക്കുള്ള സേവനകേന്ദ്രമായി മാറണമെന്നും സിപിഎം സംസ്ഥാന സെക്രട്ടറി എം.വി. ഗോവിന്ദൻ പറഞ്ഞു.

വർക്കല രാധാകൃഷ്‌ണൻസ്‌മാരക പെയിൻ ആൻഡ് പാലിയേറ്റീവ് കെയർ സൊസൈറ്റിയുടെ നേതൃത്വത്തിൽ നിർമിക്കുന്ന വർക്കല രാധാകൃഷ്ണൻ സ്മാരകമന്ദിരത്തിൻ്റെ ശിലാസ്ഥാപനം നിർവഹിക്കുകയായിരുന്നു അദ്ദേഹം.

വി. ജോയി എംഎൽഎ അധ്യക്ഷനായി. സിപിഎം നേതാക്കളായ ബി.പി. മുരളി, എസ്. ഷാജഹാൻ, എസ്. സുന്ദരേശൻ, എം.കെ. യൂസഫ്, കെ.എം. ലാജി, കെ.ആർ. ബിജു, നിതിൻനായർ, വർക്കല രാധാകൃഷ്‌ണൻ്റെ കുടുംബാംഗങ്ങൾ തുടങ്ങിയവരും പങ്കെടുത്തു. വർക്കല കോടതിക്കു സമീപം 10 സെന്റ് സ്ഥലത്താണ് മന്ദിരം നിർമിക്കുന്നത്.