ബിഷപ്പിനെതിരേയുള്ള നടപടികൾ പിൻവലിക്കണം - ജോസ് കെ. മാണി

മൂവാറ്റുപുഴ ബിഷപ്പ് മാർ ജോർജ് പുന്നക്കോട്ടിലിനെതിരേ വനം വകുപ്പെടുത്ത മുഴുവൻ നടപടികളും പിൻവലിക്കണമെന്ന് കേരള കോൺഗ്രസ് (എം) ചെയർമാൻ ജോസ് കെ. മാണി ആവശ്യപ്പെട്ടു.

മൂവാറ്റുപുഴയിൽ ബിഷപ്പിനെ സന്ദർശിക്കുകയായിരുന്നു ജോസ് കെ. മാണി. വന സംരക്ഷണത്തിൻറെയും വന്യജീവി സംരക്ഷണത്തിന്റെയും പേരിൽ ഇല്ലാത്ത അധികാരങ്ങൾ പലസ്ഥലങ്ങളിലും വനപാലകർ പ്രയോഗിക്കുന്നതിന്റെ ഒടുവിലത്തെ ഉദാഹരണമാണ് ബിഷപ്പിനെ പ്രതിയാക്കി കേസെടുത്ത സംഭവമെന്നും ജോസ് കെ. മാണി പറഞ്ഞു. ഫാ. റോബിൻ പടിഞ്ഞാറെക്കൂറ്റ്, അഡ്വ. റോണി മാത്യു, ജോയ് നടുക്കുടി, അഡ്വ. ജോസ് വർഗീസ്, അഡ്വ. ഷൈൻ ജേക്കബ്, സിജോ ജോൺ എന്നിവരും ബിഷപ്പിനെ സന്ദർശിച്ചു.