അതിരപ്പിള്ളിയിൽ കാട്ടാന ആക്രമണം: വയോധികന് ദാരുണാന്ത്യം

തൃശൂർ: അതിരപ്പിള്ളി വൈശേരിയിൽ കാട്ടാനയുടെ ആക്രമണത്തിൽ വയോധികൻ ദാരുണമായി കൊല്ലപ്പെട്ടു. പുല്ലേർകാട്ട് മോഹനൻ (65) ആണ് മരിച്ചത്. ശനിയാഴ്ച പുലർച്ചെ രണ്ടേമുക്കാലോടെയായിരുന്നു സംഭവം.

​വീടിന് സമീപത്ത് കാട്ടാന ഇറങ്ങിയ വിവരം അറിഞ്ഞ് നോക്കാനിറങ്ങിയ മോഹനൻ ആനയുടെ മുന്നിൽ പെടുകയായിരുന്നുവെന്നാണ് വിവരം. ആനയുടെ ആക്രമണത്തിൽ ഗുരുതരമായി പരിക്കേറ്റ മോഹനനെ ഉടൻ തന്നെ ചാലക്കുടിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പ്രദേശത്ത് കാട്ടാന ശല്യം രൂക്ഷമാണെന്ന് നാട്ടുകാർ ആരോപിക്കുന്നു.