ഒമാനിലെ മസ്കത്തിൽ പ്രവാസിയായ കോഴിക്കോട് വടകര സ്വദേശി അന്തരിച്ചു.

മസ്കത്ത്: ഒമാനിലെ മസ്കത്തിൽ പ്രവാസിയായ കോഴിക്കോട് വടകര സ്വദേശി അന്തരിച്ചു. വടകര പൊൻമേരി പറമ്പിൽ കീഴേത്തറ ഹൗസിൽ ഏറത്തന്റവിട ദിനേശ് കുമാറിന്റെ മകൻ തെക്കേ മുറിയിൽ ദീപക് (38) ആണ് മസ്കത്തിൽ വെച്ച് ഹൃദയാഘാതം മൂലം നിര്യാതനായത്.

​അൽ അൻസബ്, ഫലജ് അൽ ഷാം എന്നിവിടങ്ങളിൽ പ്രവർത്തിക്കുന്ന ഓഷ്യൻ റെസ്റ്റോറന്റിലെ ജീവനക്കാരനായിരുന്നു ദീപക്. കഴിഞ്ഞ ദിവസമാണ് ഭാര്യ സുചിത്ര ചന്ദ്രൻ സന്ദർശക വിസയിൽ നാട്ടിൽ നിന്നും ഒമാനിലെത്തിയത്. മാതാവ് പ്രേമ (കിഴക്കേ മുറിക്കന്റവിട).

​നിലവിൽ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നിയമനടപടികൾ പൂർത്തിയാക്കി എത്രയും വേഗം നാട്ടിലെത്തിക്കാനുള്ള ശ്രമങ്ങൾ നടന്നുവരികയാണെന്ന് ബന്ധപ്പെട്ടവർ അറിയിച്ചു.