കോഴിക്കോട് വാഹനാപകടം; 4 പേര്‍ക്ക് ദാരുണാന്ത്യം

കോഴിക്കോട്: രാമനാട്ടുകര മോഡേൺ ബസാറിൽ ലോറിയും കാറും കൂട്ടിയിടിച്ചുണ്ടായ ദാരുണമായ അപകടത്തിൽ നാല് യുവാക്കൾക്ക് ജീവൻ നഷ്ടമായി. ഫാറൂഖ് കോളേജ് സ്വദേശികളായ അജീഷ്, വിമൽ, ശ്യാംലാൽ, രാമനാട്ടുകര സ്വദേശി ദിനിൽ എന്നിവരാണ് മരിച്ചത്. ശനിയാഴ്ച പുലർച്ചെ 3.30-ഓടെയായിരുന്നു അപകടം നടന്നത്.

​അഞ്ച് പേർ സഞ്ചരിച്ചിരുന്ന കാർ മലപ്പുറം ഭാഗത്തുനിന്ന് വന്ന ലോറിയുമായി കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ ശ്യാംലാലിനെയും മറ്റൊരാളെയും ഉടൻ തന്നെ കോഴിക്കോട്ടെ സ്വകാര്യ ആശുപത്രിയിൽ എത്തിച്ചെങ്കിലും ശ്യാംലാലിന്റെ ജീവൻ രക്ഷിക്കാനായില്ല. പ്രദേശത്തെ ഉത്സവം കഴിഞ്ഞ് മടങ്ങുകയായിരുന്നു യുവാക്കളാണ് അപകടത്തിൽപ്പെട്ടത്. മറ്റൊരു യുവാവ് നിലവിൽ ചികിത്സയിലാണ്.