അമീബിക് മസ്തിഷ്ക ജ്വരം ബാധിച്ച് വീണ്ടും മരണം; ചികിത്സയിലായിരുന്ന കുഞ്ഞും വീട്ടമ്മയും മരിച്ചു

അമീബിക് മസ്തിഷ്ക ജ്വരം ബാധിച്ച് 24 മണിക്കൂറിനിടെ രണ്ട് മരണം. കോഴിക്കോട് ഓമശേരി സ്വദേശിയായ മൂന്നുമാസം പ്രായമുള്ള കുഞ്ഞും മലപ്പുറം സ്വദേശിയായ വീട്ടമ്മയുമാണ് മരിച്ചത്. ഒരു മാസത്തിനിടെ കോഴിക്കോട് മെഡിക്കല്‍ കോളജില്‍ അമീബിക് മസ്തിഷ്ക ജ്വരം ബാധിച്ച് മരിച്ചവരുടെ എണ്ണം മൂന്നായി.

മൂന്നുമാസം പ്രായമുള്ള കുഞ്ഞും വീട്ടമ്മയും മരിച്ചു. കോഴിക്കോട് ഓമശേരി സ്വദേശി മൈമൂനയുടെ മകനാണ് മരിച്ചത്. ഒാഗസ്റ്റ് നാലിനാണ് കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചത്. വീട്ടിലെ കിണര്‍ വെള്ളത്തില്‍നിന്നാണ് രോഗം പടര്‍ന്നതെന്ന് സംശയം. മലപ്പുറം കണ്ണമംഗലം കാപ്പില്‍ റംലയാണ് മരിച്ച വീട്ടമ്മ. 52 വയസായിരുന്നു.