ശാസ്ത്രയാൻ അടുത്തവർഷം മുതൽ ഒരാഴ്ച; ഡോ. പി. രവീന്ദ്രൻ

തേഞ്ഞിപ്പലം : കാലിക്കറ്റ് സർവകലാശാലയുടെ അക്കാദമിക -ഗവേഷണ മികവുകൾ പൊതുജനങ്ങളിലേക്കെത്തിക്കുന്ന ശാസ്ത്രയാൻ പ്രദർശനം അടുത്തവർഷം മുതൽ ഒരാഴ്ചത്തെ പരിപാടിയാക്കുമെന്ന് വൈസ് ചാൻസലർ ഡോ. പി. രവീന്ദ്രൻ അറിയിച്ചു. ശാസ്ത്രയാൻ പ്രദർശനത്തിന്റെ സമാപനസമ്മേളനം ഉദ്ഘാടനംചെയ്യുകയായിരുന്നു അദ്ദേഹം.

ഒക്ടോബർ -നവംബർ മാസങ്ങളിൽ മേള നടത്തുന്നത് പരിഗണിക്കും. ശാസ്ത്ര സാങ്കേതിക പരിസ്ഥിതി കൗൺസിലിന്റെയും മലബാർ ബൊട്ടാണിക്കൽ ഗാർഡന്റെയും ഡയറക്ടറായ ഡോ. എൻ.എസ്. പ്രദീപ് മുഖ്യാതിഥിയായി. രജിസ്ട്രാർ ഡോ. ഇ.കെ. സതീഷ് അധ്യക്ഷതവഹിച്ചു. പൊളിറ്റിക്കൽ സയൻസ് പഠനവകുപ്പ് മേധാവി ഡോ. പി. ശിവദാസൻ, സിൻഡിക്കേറ്റംഗങ്ങളായ ഡോ. കാവുമ്പായി ബാലകൃഷ്ണൻ, ടി.ജെ. മാർട്ടിൻ, അഡ്വ. എൽ.ജി. ലിജീഷ്, സെനറ്റംഗം വി.എസ്. നിഖിൽ, പഠനവകുപ്പ് വിദ്യാർഥി യൂണിയൻ അധ്യക്ഷൻ എം.എസ്. ബ്രവിം, ശാസ്ത്രയാൻ കോഡിനേറ്റർ ഡോ. സി.സി. ഹരിലാൽ തുടങ്ങിയവർ സംസാരിച്ചു.