ദില്ലിയിൽ കോളേജ് വിദ്യാർഥികളുടെ പി.ജി കെട്ടിടം തകർന്നു വീണു; നിരവധി പേർ കുടുങ്ങിക്കിടക്കുന്നു, രക്ഷാപ്രവർത്തനം ഊർജ്ജിതം

ദില്ലി: തെക്കുപടിഞ്ഞാറൻ ദില്ലിയിലെ സത്യനികേതന് സമീപം കോളേജ് വിദ്യാർഥികൾ താമസിക്കുന്ന പേയിങ് ഗസ്റ്റ് (പി.ജി) കെട്ടിടം തകർന്നു വീണ് വൻ അപകടം. ഞായറാഴ്ച ഉച്ചയ്ക്ക് ഒന്നരയോടെയാണ് അപകടമുണ്ടായത്. ഡൽഹി യൂണിവേഴ്സിറ്റിയുടെ സൗത്ത് ക്യാമ്പസിന് സമീപമുള്ള കെട്ടിടമാണ് തകർന്നത്. സംഭവസമയത്ത് അൻപതോളം വിദ്യാർത്ഥികൾ കെട്ടിടത്തിനുള്ളിൽ ഉണ്ടായിരുന്നുവെന്ന് ദൃക്സാക്ഷികൾ പറഞ്ഞു.

​ദില്ലി ഫയർ സർവീസും പൊലീസും എൻ.ഡി.ആർ.എഫും പ്രാദേശികവാസികളും ചേർന്ന് രക്ഷാപ്രവർത്തനം തീവ്രമായി തുടരുകയാണ്. കെട്ടിടാവശിഷ്ടങ്ങൾക്കിടയിൽ നിന്ന് നിലവിൽ 5 പേരെ രക്ഷപ്പെടുത്തിയിട്ടുണ്ട്. പന്ത്രണ്ടോളം ഫയർ ടെൻഡറുകൾ സ്ഥലത്തെത്തി കോൺക്രീറ്റ് സ്ലാബുകൾ നീക്കം ചെയ്താണ് കുടുങ്ങിക്കിടക്കുന്ന മറ്റുള്ളവർക്കായുള്ള തിരച്ചിൽ നടത്തുന്നത്.