മാഹി കോളേജിൽ ‘നാശാ മുക്ത് യുവ ഫോർ വികസിത് ഭാരത്’ അന്തർകലാലയ കലാമത്സരം

.മാഹി നിയമസഭാ എം.എൽ.എ അഡ്വ. ടി. അശോക് കുമാർ പരിപാടി ഉദ്ഘാടനം ചെയ്തു. മാഹി റീജിയണൽ അഡ്മിനിസ്ട്രേറ്റർ അങ്കിത് കുമാർ ഐ.എ.എസ് അധ്യക്ഷത വഹിച്ചു. കോളേജ് പ്രിൻസിപ്പൽ ഡോ. കെ.കെ. ശിവദാസൻ സ്വാഗതം പറഞ്ഞു. ദേശീയ സേവന പദ്ധതി (എൻഎസ്എസ്) കോർഡിനേറ്റർ ഡോ. ഗിരീഷ് കുമാർ മുഖ്യപ്രഭാഷണം നടത്തി. എൻഎസ്എസ് പ്രോഗ്രാം ഓഫീസർ ഡോ. മൂകാംബിക എ.പി. അനുമോദന പ്രസംഗം നടത്തി. മൈ ഭാരത് മാഹി ഡെപ്യൂട്ടി ഡയറക്ടർ സനൂപ് സി. നന്ദി രേഖപ്പെടുത്തി.

സംഘഗാനം, തീമാറ്റിക് ഗ്രൂപ്പ് ഡാൻസ്, മൈം, വാട്ടർ കളർ പെയിന്റിംഗ്, പ്രസംഗം, സ്ലാം പൊയട്രി (മലയാളം പദ്യം ചൊല്ലൽ), റീൽ നിർമ്മാണം, മുദ്രാവാക്യരചന തുടങ്ങി വിവിധ ഇനങ്ങളിലായി വിവിധ കലാലയങ്ങളിൽ നിന്നുള്ള വിദ്യാർത്ഥികൾ പങ്കെടുത്തു. വിജയികൾക്ക് സമ്മാനങ്ങളും സർട്ടിഫിക്കറ്റുകളും വിതരണം ചെയ്തു. ഓരോ ഇനത്തിലെയും ഒന്നാം സ്ഥാനക്കാർ സംസ്ഥാനതല മത്സരത്തിലേക്ക് യോഗ്യത നേടി.

പരിപാടിയുടെ ഭാഗമായി ലഹരിവിമുക്ത ഭാരതം എന്ന പ്രതിജ്ഞയും പങ്കെടുത്തവർ ഏറ്റുചൊല്ലി. യുവജനങ്ങളെ ക്രിയാത്മക പ്രവർത്തന ങ്ങളിലേക്ക് നയിച്ചുകൊണ്ട് ലഹരിയുടെ ദൂഷ്യഫലങ്ങളെക്കുറിച്ച് അവബോധം സൃഷ്ടിക്കാനും ആരോഗ്യകരമായ യുവതലമുറയെ വാർത്തെടുക്കാനും ഇത്തരം പരിപാടികൾ ഏറെ സഹായകരമാണെന്ന് സംഘാടകർ അഭിപ്രായപ്പെട്ടു.