നീറ്റ് യു ജി പരീക്ഷ റദ്ദാക്കി; ചോദ്യപ്പേപ്പർ ചോർന്നെന്ന ആരോപണത്തിന് പിന്നാലെ നടപടി

ന്യൂഡൽഹി: മേയ് മൂന്നിന് രാജ്യവ്യാപകമായി നടന്ന ദേശീയ മെഡിക്കൽ പ്രവേശന പരീക്ഷ (നീറ്റ് യു ജി) റദ്ദാക്കി. പരീക്ഷയുടെ ചോദ്യപ്പേപ്പർ ചോർന്നതായി വ്യാപകമായ ആരോപണങ്ങൾ ഉയർന്നതിന് പിന്നാലെയാണ് കേന്ദ്ര ഏജൻസിയുടെ നിർണ്ണായക തീരുമാനം. റദ്ദാക്കിയ പരീക്ഷ പിന്നീട് മറ്റൊരു തീയതിയിൽ വീണ്ടും നടത്തുമെന്ന് അധികൃതർ അറിയിച്ചു. പരീക്ഷാ നടത്തിപ്പിലെ സുതാര്യത ഉറപ്പുവരുത്തുന്നതിന്റെ ഭാഗമായാണ് ഈ അടിയന്തര നടപടി.