ഡോ. എം.പി. പത്മനാഭന് ഭാരതസേവക് സമാജ് ദേശീയ പുരസ്കാരം;തിരുവനന്തപുരത്ത് ആദരവ്

അക്കാദമിക് മികവും പത്രപ്രവർത്തനവും

ഹിന്ദി സാഹിത്യത്തിലും മാനവികതയിലും ഡോക്ടറേറ്റ് നേടിയ അദ്ദേഹം, മാതൃഭൂമിയുടെ മുതിർന്ന പത്രപ്രവർത്തകനായി ദീർഘകാലം സേവനമനുഷ്ഠിച്ചു.

കോഴിക്കോട് നിന്ന് പ്രസിദ്ധീകരിച്ചിരുന്ന 'ഇൻഡസ്ട്രിയൽ ഡമോക്രസി' എന്ന ഇംഗ്ലീഷ് ദ്വൈവാരികയുടെ പത്രാധിപരായും ബേപ്പൂർ പ്രസ് ഫോറം പ്രസിഡന്റായും അദ്ദേഹം പ്രവർത്തിച്ചിട്ടുണ്ട്. 2022-ൽ മികച്ച പത്രപ്രവർത്തകനുള്ള ഗുരുവായൂർ പ്രസ് ഫോറം അവാർഡും, 2025-ൽ കേരള സർക്കാരിന്റെ മികച്ച വാർത്താ ലേഖകനുള്ള പുരസ്കാരവും നേടിയിട്ടുണ്ട്.

തൊഴിലാളി പ്രസ്ഥാനത്തിന്റെ മുൻനിരയിൽ

ഐ.എൻ.ടി.യു.സി (INTUC) അഖിലേന്ത്യാ സെക്രട്ടറി, സംസ്ഥാന ജനറൽ സെക്രട്ടറി, യൂത്ത് വിംഗ് ദേശീയ ചെയർമാൻ എന്നീ നിലകളിൽ തൊഴിലാളി വർഗത്തിന്റെ ശബ്ദമായി അദ്ദേഹം നിലകൊണ്ടു. ഇന്ത്യൻ നാഷണൽ സാലറീഡ് എംപ്ലോയീസ് ആൻഡ് പ്രൊഫഷണൽ വർക്കേഴ്സ് ഫെഡറേഷൻ അഖിലേന്ത്യാ പ്രസിഡന്റ് കൂടിയാണ് അദ്ദേഹം. കേന്ദ്ര ആഭ്യന്തര മന്ത്രാലയത്തിലെ മുൻ ഹിന്ദി ഉപദേഷ്ടാവ്, കേന്ദ്ര തൊഴിലാളി വിദ്യാഭ്യാസ ബോർഡ് അംഗം, കേന്ദ്ര അപ്രന്റീഷിപ്പ് കൗൺസിൽ അംഗം തുടങ്ങിയ പദവികളിലൂടെ ദേശീയതലത്തിൽ ശ്രദ്ധേയമായ ഇടപെടലുകൾ നടത്തി.

ആഗോള വേദികളിലെ മലയാളി സാന്നിധ്യം

അന്താരാഷ്ട്ര വേദികളിൽ ഇന്ത്യയെയും കേരളത്തെയും പ്രതിനിധീകരിച്ച് ഡോ. എം.പി. പത്മനാഭൻ നിരവധി തവണ വിദേശയാത്രകൾ നടത്തിയിട്ടുണ്ട്.

കാനഡ (1985): എലിസബത്ത് രാജ്ഞിയും പ്രിൻസ് ഫിലിപ്പും പങ്കെടുത്ത കോമൺവെൽത്ത് പഠന സമ്മേളനത്തിൽ 300 പ്രതിനിധികളിൽ ഏക മലയാളിയായി പങ്കെടുത്തു.

ബാങ്കോക്ക് (1993): ഐ.എൽ.ഒ (ILO) വട്ടമേശ സമ്മേളനത്തിൽ ഇന്ത്യയെ പ്രതിനിധീകരിച്ചു.

ജപ്പാൻ, സിംഗപ്പൂർ, മലേഷ്യ, നേപ്പാൾ, തായ്ലൻഡ് എന്നിവിടങ്ങളിൽ നടന്ന അന്താരാഷ്ട്ര തൊഴിൽ-യുവജന സമ്മേളനങ്ങളിലും അദ്ദേഹം സജീവ സാന്നിധ്യമായിരുന്നു.

പുരസ്കാരപ്പെരുമ

മുൻ പ്രധാനമന്ത്രി രാജീവ് ഗാന്ധിയിൽ നിന്ന് പ്രശസ്തിപത്രം നേടിയ അദ്ദേഹം, ലഖ്‌നൗ ഇന്റർനാഷണൽ ഹ്യൂമൻ റൈറ്റ്സ് അസോസിയേഷന്റെ 'രാഷ്ട്രദൂത്' അവാർഡ്, ഭാരത് ജ്യോതി അവാർഡ് (2016), ദേശീയ മാനവിക അവാർഡ് (2017), ദുബായിൽ വെച്ച് ലഭിച്ച കെ.പി. കേശവമേനോൻ അവാർഡ് (2018), ഉമ്മൻ ചാണ്ടി കർമ്മശ്രേഷ്ഠ പുരസ്കാരം (2025) തുടങ്ങി നിരവധി ബഹുമതികൾക്ക് അർഹനായിട്ടുണ്ട്.

ലഖ്‌നൗ ഇന്റർനാഷണൽ ഹ്യൂമൻ റൈറ്റ്സ് അസോസിയേഷൻ ജനറൽ സെക്രട്ടറി, ദക്ഷിണഭാരത ഹിന്ദി പ്രചാരസഭ ആജീവനാംഗം എന്നീ നിലകളിലും അദ്ദേഹം തന്റെ പ്രവർത്തനമണ്ഡലം വിപുലമാക്കിയിട്ടുണ്ട്. നിയമസഭാ-ലോക്സഭാ തിരഞ്ഞെടുപ്പുകളിൽ സ്ഥാനാർത്ഥി പട്ടികയിൽ ഇടംപിടിച്ചിട്ടുള്ള അദ്ദേഹം രാഷ്ട്രീയ-സാമൂഹിക രംഗത്തെ സജീവ സാന്നിധ്യമായി തുടരുന്നു.

ഭാരത് സേവക് സമാജ് ദേശീയ പുരസ്‌കാരം

കേന്ദ്ര ആസൂത്രണ മന്ത്രാലയത്തിന് കീഴിലുള്ള ഭാരത് സേവക് സമാജ് (BSS) നൽകുന്ന ദേശീയ പുരസ്കാരമാണ് ഡോ .എം. പി .പത്മനാഭനെ തേടിയെത്തിയിരിക്കുന്ന പ്രധാന ബഹുമതി. മഹാത്മാഗാന്ധി സാമൂഹിക-സാമ്പത്തിക പുനർനിർമ്മാണത്തിനായി ആദ്യം "ലോക് സേവക് സംഘ്" എന്ന് വിഭാവനം ചെയ്ത ഈ സംഘടന, പ്രധാനമന്ത്രി ജവഹർലാൽ നെഹ്റുവിൻ്റെയും ആസൂത്രണ മന്ത്രി ഗുൽസാരിലാൽ നന്ദയുടെയും മാർഗ്ഗനിർദ്ദേശത്തിൽ 1952 ഓഗസ്റ്റ് 12-നാണ് ഔദ്യോഗികമായി ആരംഭിച്ചത്.

ദേശീയ വികസനത്തിനും പൊതുസേവനത്തിനും മാതൃകാപരമായ സംഭാവനകൾ നൽകിയ വ്യക്തികളെയും സംഘടനകളെയും ആദരിക്കുന്ന ഭാരത് സേവക് സമാജ്, കല, കായികം, സാഹിത്യം, സംസ്കാരം, സാമൂഹിക പ്രവർത്തനം തുടങ്ങിയ വിവിധ മേഖലകളിലെ മികച്ച സംഭാവനകൾക്കാണ് ഈ പുരസ്കാരം നൽകുന്നത്.

കല ,സാഹിത്യം ,ആത്മീയം .ബിസിനസ്സ് ,

വിദ്യാഭ്യാസം ,സയൻസ് & ടെക്‌നോളജി ,

ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം

വാർത്തകളും വിശേഷങ്ങളും

പതിവായി ....മുടങ്ങാതെ ഓൺലൈനിൽ

വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു.

താഴെ കൊടുത്ത ലിങ്കിൽ ക്ളിക് ചെയ്‌ത്‌ ജോയിൻ ചെയ്‌താലും .

https://chat.whatsapp.com/F1gvqfs43Oj1IOelhw5YTU?mode=wwt