ഊട്ടിയിൽ വീണ്ടും അതിശൈത്യം

ഊട്ടി : കുറച്ചു ദിവസത്തെ ഇടവേളയ്ക്കുശേഷം ഊട്ടിയിൽ വീണ്ടും അതിശൈത്യം. ജനുവരി അവസാനം വരെ കനത്ത കുളിരിന്റെ പിടിയിലായിരുന്നു ഊട്ടി. പിന്നീട് കാഠിന്യം കുറഞ്ഞു വന്നിരുന്നു. കഴിഞ്ഞ ദിവസം കാന്തൽ, തലക്കുന്ത ഭാഗങ്ങളിൽ കുറഞ്ഞ താപനില പൂജ്യം വരെയായി.

കനത്ത മഞ്ഞുവീഴ്‌ചയും ഉണ്ടായിരുന്നു. സസ്യോദ്യാനത്തിൽ പുലർച്ചെ കുറഞ്ഞ താപനില മൂന്നു ഡിഗ്രി സെൽഷ്യസ് രേഖപ്പെടുത്തി.