അവധിത്തിരക്ക്: ഇന്ന് മംഗളൂരു-ഷൊർണൂർ പ്രത്യേക തീവണ്ടി

കണ്ണൂർ: അവധിത്തിരക്ക് പ്രമാണിച്ച് ശനിയാഴ്‌ച മംഗളൂരു-ഷൊർണൂർ പ്രത്യേക പാസഞ്ചർ വണ്ടി ഓടിക്കും. ശനിയാഴ്ച്‌ച വൈകിട്ട് ആറിന് മംഗളൂരുവിൽനിന്ന് പുറപ്പെടും. രാത്രി 12.30-ന് ഷൊർണൂരിലെത്തും. കാസർകോട്, കാഞ്ഞങ്ങാട്, നീലേശ്വരം, ചെറുവത്തൂർ, പയ്യന്നൂർ, പഴയങ്ങാടി, കണ്ണൂർ, തലശ്ശേരി, മാഹി, വടകര, കൊയിലാണ്ടി, കോഴിക്കോട്, ഫറൂഖ്, തിരൂർ, കുറ്റിപ്പുറം എന്നിവിടങ്ങളിൽ നിർത്തും.