എസ്‌ഐആർ: ഏഴിടങ്ങളിലായി പുറത്തായത്‌ 2.73 കോടി

ന്യൂഡൽഹി: വോട്ടർപട്ടിക പ്രത്യേക തീവ്രപരിഷ്കരണവുമായി ബന്ധപ്പെട്ട് ഗുജറാത്തിലും തമിഴ്‌നാട്ടിലും കരട് വോട്ടർപട്ടിക പ്രസിദ്ധീകരിച്ചു. നിലവിൽ പട്ടികപ്രസിദ്ധീകരിച്ച സംസ്ഥാനങ്ങളിലടക്കം 2.73 കോടി പേരാണ് ഒഴിവായത്.

ഗുജറാത്തിൽ 73,73,327 പേര് വോട്ടർപട്ടികയിൽനിന്ന് നീക്കി. 5.08 കോടി വോട്ടർമാരുണ്ടായിരുന്നത് 4.34 കോടിയായി ചുരുങ്ങി. തമിഴ്‌നാട്ടിൽ 97.37 ലക്ഷം പേരുനീക്കി. കരടുപട്ടികയിൽ 5.43 കോടി വോട്ടർമാരാണ് തമിഴ്‌നാട്ടിലുള്ളത്. നേരത്തേ 6.41 കോടി വോട്ടർമാരായിരുന്നു.

മധ്യപ്രദേശ്, കേരളം, ഛത്തീസ്‌ഗഢ്, അന്തമാൻ നിക്കോബാർ എന്നിവിടങ്ങളിൽ 23-നും ഉത്തർപ്രദേശിൽ 30-നുമാണ് കരടുപട്ടിക പ്രസിദ്ധീകരിക്കുന്നത്. മധ്യപ്രദേശിൽ 42 ലക്ഷം പേരെ നീക്കിയതായി ദേശീയമാധ്യമങ്ങൾ റിപ്പോർട്ടുചെയ്തു.

കരടുവോട്ടർപട്ടികയിൽനിന്ന് നീക്കിയത്.

തമിഴ്‌നാട് 97.37 ലക്ഷം

ഗുജറാത്ത് 73.73 ലക്ഷം

പശ്ചിമബംഗാൾ 58.2 ലക്ഷം

രാജസ്ഥാൻ 41.79 ലക്ഷം

പുതുച്ചേരി 1.03 ലക്ഷം

ഗാവ ഒരുലക്ഷം

ലക്ഷദ്വീപ് 1429