ജോലാർപ്പേട്ട-കോയമ്പത്തൂർ റൂട്ടിൽ 130 കിലോമീറ്റർ വേഗത്തിൽ തീവണ്ടിയുടെ പരീക്ഷണ ഓട്ടം

ചിലസെക്ഷനുകളിൽ വേഗം 145 കിലോമീറ്റർവരെ ഉയർന്നു

ചെന്നൈ: ജോലാർപ്പേട്ട-കോയമ്പത്തൂർ റൂട്ടിൽ മണിക്കൂറിൽ 130 കിലോമീറ്ററിൽ വേഗത്തയിൽ തീവണ്ടി പരീക്ഷണ ഓട്ടം നടത്തി. ജോലാർപ്പേട്ടയിൽനിന്ന് കോയമ്പത്തൂരിലേക്കും കോയമ്പത്തൂരിൽനിന്ന് ജോലാർപ്പേട്ടയിലേക്കുമാണ് പരീക്ഷണ ഓട്ടം നടത്തിയത്. ഇത് രണ്ടാംതവണയാണ് തീവണ്ടി 130 കിലോമീറ്ററിൽ പരീക്ഷണ ഓട്ടം നടത്തുന്നത്. പരീക്ഷണ ഓട്ടം വിജയകരമായിരുന്നെന്ന് റെയിൽവേ അധികൃതർ അറിയിച്ചു.

130 കിലോമീറ്റർ വേഗത്തിൽ തീവണ്ടി സർവീസ് നടത്തിയിരുന്നതായി അധികൃതർ അറിയിച്ചു. ഈ റൂട്ടിൽ 110 കിലോമീറ്ററിൽനിന്ന് 1.30 കിലോമീറ്ററായാണ് വർധിപ്പിച്ചത്. ട്രാക്കുകൾ ബലപ്പെടുത്തിയതിലൂടെയാണ് ഇത് സാധ്യമായതെന്ന് റെയിൽവേ വൃത്തങ്ങൾ അറിയിച്ചു. പരീക്ഷണ ഓട്ടം നടത്തുമ്പോൾ വേഗം ചിലസെക്‌ഷനുകളിൽ 145 കിലോമീറ്റർവരെ ഉയർന്നതായും റെയിൽവേ അറിയിച്ചു. അതിവേഗത്തിൽ തീവണ്ടി ഓടുമ്പോൾ എല്ലാ സുരക്ഷാമാനദണ്ഡങ്ങളും പാലിച്ചിരുന്നെന്ന് അധികൃതർ പറഞ്ഞു. മുൻപ് ചെന്നൈ സെൻട്രൽ-ജോലാർപ്പേട്ട റൂട്ടിലും ചെന്നൈ സെൻട്രൽ-ഗുണ്ടൂർ റൂട്ടിലും ചെന്നൈ സെൻട്രൽ-ആർക്കോണം റെനിഗുണ്ട റൂട്ടിലും വേഗം മണിക്കൂറിൽ 130 കിലോമീറ്ററാക്കി ഉയർത്തിയിരുന്നു. ജോലാർപ്പേട്ടയിൽനിന്ന് കോയമ്പത്തൂരിലേക്കുള്ള തീവണ്ടിയുടെ വേഗം കൂട്ടിയത് ചെന്നൈയിൽനിന്നും അതുപോലെ ഉത്തരേന്ത്യയിൽനിന്നും കേരളത്തിലേക്കുള്ള തീവണ്ടികളുടെ വേഗം കൂടാനും സഹായകരമാകുമെന്ന് ദക്ഷിണറെയിൽവേ അധികൃതർ അറിയിച്ചു. ചെന്നൈയിൽനിന്ന് ജോലാർപ്പേട്ടയിലേക്കുള്ള തീവണ്ടികളുടെ വേഗം ഇപ്പോൾ മണിക്കൂറിൽ 130 കിലോമീറ്ററാണ്.