മംദാനിയെ ട്രംപ് ഇന്ന് കാണും

ന്യൂയോർക്ക്: ന്യൂയോർക്ക് സിറ്റിയുടെ ആദ്യ മുസ്‌ലിം മേയറും തൻ്റെ നിശിതവിമർശകനുമായ സൊഹ്റാൻ മംദാനിയുമായി യുഎസ് പ്രസിഡന്റ് ഡൊണാൾഡ് ട്രംപ് വെള്ളിയാഴ്‌ച വൈറ്റ്ഹൗസിൽ കൂടിക്കാഴ്ച നടത്തും. 'ന്യൂയോർക്ക് സിറ്റിയുടെ കമ്യൂണിസ്റ്റ് മേയർ ഒരു കൂടിക്കാഴ്ചയ്ക്കവസരം ചോദിച്ചു. അത് വെള്ളിയാഴ്‌ച ഓവൽ ഓഫീസിൽവെച്ച് നടക്കും' എന്ന് ബുധനാഴ്ച ട്രംപ് ട്രൂത്ത് സോഷ്യലിൽ കുറിച്ചു. മംദാനിയുമായി ചർച്ചയുണ്ടാകുമെന്നും ചില കാര്യങ്ങൾ തീരുമാനിക്കേണ്ടതുണ്ടെന്നും നേരത്തേ ട്രംപ് പറഞ്ഞിരുന്നു. നവംബർ നാലിനാണ് മംദാനി ന്യൂയോർക്ക് സിറ്റിയുടെ മേയറായി തിരഞ്ഞെടുക്കപ്പെട്ടത്.