നൂറ് സൈനിക സ്‌കൂളുകൾ തുടങ്ങും -അമിത് ഷാ

അഹമ്മദാബാദ്: രാജ്യത്ത് പൊതു-സ്വകാര്യ പങ്കാളിത്തത്തിൽ നൂറ് സൈനിക സ്കൂളുകൾ ആരംഭിക്കുമെന്ന് ആഭ്യന്തര മന്ത്രി അമിത് ഷാ പറഞ്ഞു. മഹെസാണയിലെ മോത്തിഭായ് പൗധരി സാഗർ സൈനിക് സ്‌കൂളിന്റെ ഉദ്ഘാടനം നിർവഹിച്ച് വീഡിയോ കോൺഫറൻസിൽ സംസാരിക്കുകയായിരുന്നു അദ്ദേഹം.

രാജ്യത്തെ വിദ്യാർഥികൾക്ക് സായുധസേനകളിലെ വിവിധ ജോലികളിൽ പ്രവേശിക്കാൻ അവസരമൊരുക്കുകയാണ് ലക്ഷ്യമെന്ന് അമിത് ഷാ പറഞ്ഞു. 50 കോടി രൂപ ചെലവിൽ നിർമിച്ച മോത്തിഭായ് സ്‌കൂളിൽ സ്മാർട് ക്ളാസ്റൂമുകളും ഹോസ്റ്റലുകളും വായനശാലയും കാൻ്റിനുമെല്ലാം ഉൾപ്പെടുന്നു.