കടലിനടിയിൽ ഗവേഷണശാലയൊരുക്കാൻ ഇന്ത്യ

ബഹിരാകാശനിലയത്തിനു സമാനമായി സ്ഥിരം സമുദ്രാന്തര ഗവേഷണനിലയം സജ്ജമാക്കാനുള്ള പദ്ധതിയുമായി ഇന്ത്യ, ചെന്നെയിലെ നാഷണൽ ഇൻസ്റ്റിറ്റ്യൂട്ട് ഓഫ് ഓഷ്യൻ ടെക്നോളജി(എൻഐഒടി)യുടെ നേതൃത്വത്തിൽ 2047-ഒ ാടെ കടലിൽ 6000 മീറ്റർ ആഴത്തിൽ ഗവേഷണനിലയം സ്ഥാപിക്കാനാണ് പദ്ധതിയിടുന്നത്.

സമുദ്രയാൻ പദ്ധതിക്കായി എൻഐടി വികസിപ്പിച്ച 'മത്സ്യ 6000' എന്ന അന്തർവാഹിനിയുടെ സാങ്കേതികവിദ്യയാകും നിലയത്തിന് വഴികാട്ടുന്നത്. 'മത്സ്യ 6000' അന്തർവാഹിനി ഈ വർഷമാദ്യം കടലിൽ വിജയകരമായി പരീക്ഷിച്ചിരുന്നു. പരീക്ഷണാടിസ്ഥാനത്തിൽ 500 മീറ്റർ ആഴത്തിൽ ഗവേഷണകേന്ദ്രം നിർമിച്ചശേഷമായിരിക്കും ആഴക്കടൽ പദ്ധതിയിലേക്കു കടക്കുക. മൂന്ന് ശാസ്ത്രജ്ഞർ രണ്ടോ മൂന്നോ ദിവസം കടലിനടിയിൽ തങ്ങിയാവും പരീക്ഷണം. എൻഐഒടിയുടെ 32-ാം സ്ഥാപകദിനച്ചടങ്ങിലാണ് പദ്ധതി പ്രഖ്യാപിച്ചത്.