സൈന്യത്തിന് 2095 കോടിയുടെ ടാങ്ക്‌വേധ മിസൈലുകൾ

ന്യൂഡൽഹി: ടാങ്ക്‌ വേധ മിസൈലുകൾ വാങ്ങുന്നതിനായി സർക്കാർ ഉടമസ്ഥതയിലുള്ള ഭാരത് ഡൈനാമിക്‌സ് ലിമിറ്റഡുമായി പ്രതിരോധമന്ത്രാലയം 2095.70 കോടി രൂപയുടെ കരാറിൽ ഒപ്പിട്ടു. കൂടുതൽ കൃത്യതയുള്ള ലേസർ ഗൈഡഡ് 'ഇൻവാർ' ടാങ്ക്‌വേധ മിസൈലുകളാണ് വാങ്ങുക. മിസൈലുകളുടെ സംഭരണം ടാങ്ക് ടി-90 ൻ്റെ ആക്രമണശക്തിയും പ്രഹരശേഷിയും വർധിപ്പിക്കുമെന്ന് പ്രതിരോധമന്ത്രാലയം വ്യക്തമാക്കി.