ഇസ്ലാമാബാദ് ആക്രമണം: പാക് പ്രധാനമന്ത്രിക്ക് ചുട്ടമറുപടി നൽകി ഇന്ത്യ

ന്യൂഡൽഹി: ഇസ്‌ലാമാബാദിൽ 12 പേർ മരിച്ച ചാവേറാക്രമണം നടത്തിയത് ഇന്ത്യയുടെ പിന്തുണയോടെ പ്രവർത്തിക്കുന്ന സംഘങ്ങളാണെന്ന പാക് പ്രധാനമന്ത്രി ഷഹബാസ് ഷരീഫിൻ്റെ ആരോപണം അടിസ്ഥാനരഹിതമാണെന്ന് വിദേശകാര്യമന്ത്രാലയം വ്യക്തമാക്കി.

കള്ളക്കഥകൾ കെട്ടിച്ചമയ്ക്കുന്നത് ആ രാജ്യത്തെ സ്വബോധമില്ലാത്ത നേതൃത്വത്തിന്റെ പതിവു തന്ത്രമാണെന്ന് വിദേശകാര്യമന്ത്രാലയ വക്താവ് രൺധീർ ജയ്സ്വാൾ പറഞ്ഞു. അന്താരാഷ്ട്രസമൂഹത്തിന് യഥാർഥ്യം നന്നായി അറിയാമെന്നും പാകിസ്‌താൻ്റെ തന്ത്രങ്ങളാൽ അവൻ വഴിതെറ്റില്ലെന്നും അദ്ദേഹം പറഞ്ഞു.